የአቶ አብነት ገብረመስቀል ጋዜጣዊ መግለጫ . . .

ዛሬ ረፋድ በተካሄደው የቅዱስ ጊዮርጊስ ስፖርት ማህበር ጠቅላላ ጉባኤ ክለቡን ለቀጣዮቹ 4 አመታት እንዲመሩ በድጋሚ የተመረጡት አቶ አብነት ገብረመስቀል ከጉባኤው በኋላ የሰጡት ጋዜጣዊ መግለጫ በጉዳዮች ከፋፍለን እንዲህ አቅርበነዋል፡፡

ስለ ጠቅላላ ጉባኤው

‹‹ ብዙ ውይይቶች ከተካሄዱ በኋላ ደጋፊውም ማንሳት የፈለጋቸውን ሀሳቦች አንስቶ በሙሉ አብራርተናል፡፡ እኔም ይህን ያህል አመት ከሰራው በኋላ በሌላ ሃይል ይተካ ብዬ ወርጄ ነበር፡፡ ደጋፊው ሊዋጥለት ስላለቻለ ለሚቀጥሉት 4 አመታት እንድቀጥል ስለደረገ ተመልሻለሁ፡፡ በዚህም መላውን የቅዱስ ጊዮርጊስ ደጋፊ አመሰግናለሁ፡፡ ››

‹‹ አንደኛ ደክሞኛል ፣ ሁለተኛ ደጋፊው ይምረጥ፡፡ ጠቅላላ ጉባኤው ስልጣኑን ለእኔ ሰጥቶ  ጥፋት ሲመጣ ሁሉ ነገር እኔ ላይ እንዲወደቅ አልፈልግም፡፡ ለዛ ነው ለመልቀቅ የፈለግኩት፡፡ የክለቡ ትልልቅ ሰዎች ክለቡን በትነኸው መሄድህ ነው ብለው ነው የመለሱኝ፡፡ በዛም ላይ የደጋፊዎች ስሜት ጥልቅ ነበር፡፡ ከቤተሰቤ የመጣውን ነገርም ማፍረስ ይከብዳል፡፡ ››

ስለ ፕሮፌሽናሊዝም

‹‹ የኢትዮጵያ እግርኳስ ፌዴሬሽን ለክለቦች ያስቀመጠው የመተዳደርያ ደንብ መሻሸል አለበት፡፡ ስለ ፕሮፌሽናልዝም ስናወራ የሚያግዱን ብዙ ነገሮች አሉ፡፡ እንደ ክለብ ራሳችንን ወደ ከፍተኛ ደረጃ ለማሳደግና ወደ ፕሮፌሽናሊዝም ለመግባት የሚያስፈልጉትን ነገሮች ለማሟላትጥናት በማስጠናት ላይ እንገኛለን፡፡ ወጣቶች እና ስፖርት ሚኒስቴርም ለክለቦች ያወጣውን መተዳደርያ ደንብ መፈተሸ አለበት፡፡ ክለቦች ንብረት እንዲኖረን እንኳ ህጉ አይፈቅድልንም፡፡

PicsArt_1465155834287

የሴቶች ተሳትፎ

‹‹ ሴቶች ወደዚህ ቦርድ እንዲመጡ ብዙ ጥረናል፡፡፡ ነገር ግን እንደ ባህል ሴቶች አሁን ነው ወደ ስፖርቱ መምጣት የጀመሩት፡፡ ሌላው የሚያሻሻቸው የስፖርታዊ ጨዋነት ጉዳይ ነው፡፡ እኔ ወጣት በነበርኩበት ወቅት በየስታድየሙ የሴቶች ቁጥር ብዙ ነበር፡፡ አሁን ስፖርታዊ ጨዋነት የለም፡፡ ሴቶች ስታድየም ካልሄዱ እንዴት ሴት አመራር ይኖረናል፡፡ ስድቡን ፈርተው ነው የማይመጡት፡፡

‹‹ በመጀመርያ የሴቶቹን ቡድን ያቋቋምነው ተገደን ነው፡፡ ፊፋ ክለቦች የሴት ቡድን ካላቋቋሙ የወንድ ቡድን እሰርዛለሁ ብሏል  ብለው ዋሽተው ነው ሳናምንበት ያቋቋምነው፡፡ ቅም ነገሩ ማቋቋሙ ብቻ አይደለም፡፡ እነዚህ በቀትር ነው የሚጫወቱት ፣ ወጣቶቹም በትምህርት ሰአት ይጫወታሉ፡፡ ቤተሰብ ያለው ሰው በዚህ ሰአት እንዴት ውድድር አውጥቶ ይመራል፡፡ ያም ሆኖ በተሻለ ሁኔታ የሴቶቹ ቡድን ተጠናክረው እንዲቀርቡ እናደርጋለን፡፡

ግጭቶች

‹‹ የመናገር ነጸነት የማምንበት ነገር ነው፡፡ ድምፅ መታፈን የለበትም፡፡ እኛም ስራችን ማዳመጥ ነው፡፡ አሁን የመጨረሻ ሁለት እና ሶስት ወር ላይ በተፈጠሩ ችግሮች ዙርያ እኛ ጋር በቀጥታ መናገር ሲችሉ ከበስተጀርባ እንዲያወሩ ኋላ ላይ ደግሞ ፊት ለፊት እንዲሸነግሉ አልፈልግም፡፡ የግል ፀባቸውን ወደ ክለቡ ማምጣት የለባቸውም፡፡ አንዱ አንዱን ለማጥቃት ሲነሳ የተጎዳው ክቡ ነው፡፡ የራሳችን ሬድዮ ፣ ጋዜጣ ፣ ጽህፈት ቤት አለን፡፡ ያንን ትተው ነገሮችን ማሟሟቅ ወደሚፈልጉ ሚድዎች መውሰድ ይፈልጋሉ፡፡››

2 thoughts on “የአቶ አብነት ገብረመስቀል ጋዜጣዊ መግለጫ . . .

  • June 6, 2016 at 12:36 am
    Permalink

    Begenzebu yemimeka afagni yeteteyekew tiyaken tito ene kelelew clebun hiliwunaw bado yihonal yemil tebab chinikilat yalew gileseb mehonun asayituwal yasafiral sheh mohamed alimudin bezi sibseba binoru noro endezi ayinet tera wunibidina ayiseram neber clebun yizot yalew shehu enji abnet ayidelem yihe yadebanay mistir new ene bebekule afiriyalew teshemakikeyalew yemakebirew sew endezih badebabay zechi bilo siwedik .yedegafiwu 5 tiyakewoch lemin altenesum kegileseboch gar enka selamita kemabizat meseretawi tiyakewochin memeles yalichal tera diskur bicha giyorgis yinoral diskuregnoch yalfalu minigizem st george.

Leave a Reply

error: