ፕሪሚየር ሊግ ፡ የኢትዮጵያ እግርኳስ በደጋፊዎች ረብሻ መታመሱን ቀጥሏል

የኢትዮጵያ ፕሪሚየር ሊግ 22ኛ ሳምንት ጨዋታዎች ዛሬም ሲቀጥሉ ሲዳማ ቡና ኤሌክትሪክ ላይ ጣፋጭ ድል ተጎናፅፏል፡፡ በኢትዮጵያ ቡና እና ሀዋሳ ከተማ መካከል የተደረገው ጨዋታ ደግሞ በደጋፊዎች ስርአት አልበኝነት ምክንያት ሁለተኛው አጋማሽ ሳይካሄድ ተቋርጧል፡፡

በ09፡00 ሲዳማ ቡናን ያስተናገደው ኤሌክትሪክ 5-0 በሆነ ሰፊ ውጤት ተረምርሟል፡፡ ላለመውረድ በሚደረገው ትግል ውዝጥ የሚገኘው ኤሌክትሪክ የቅርብ ተፎካካሪዎቹ ዳሽን ቢራ እና አርባምንጭ ከተማ ትላንት ነጥ በመጣላቸው መልካም አጋጣሚን ማግኘት ቢችልም ሳይጠቀምበት ቀርቷል፡፡ ይልቁንም በሲዳማ ቡና ሙሉ የጨዋታ የበላይነት ተወስዶበት ተሸንፏል፡፡

PicsArt_1465595459122

የሲዳማ ቡናን የመክፈቻ ግብ በረከት አዲሱ ከማዕዘን ምት የተሸገረውን ኳስ በመጠቀም ሲያስቆጠር የመጀመርያው አጋማሽም በ1-0 ውጤት ተጠናቋል፡፡ ከእረፍት መልስ ይበልጥ ተጠናክረው የቀረቡት ሲዳማ ቡናዎች በፍፁም ተፈሪ ሁለተኛውን በዘነበ ከበደ ግሩም ቅጣት ምት ሶስተኛውን ሲያስቆጥሩ ፈጣኑ የመስመር አማካይ አዲስ ግደይ የመጨረሻዎቹን ሁለት ግቦች አክሏል፡፡

PicsArt_1465595377623

11፡30 ላይ ኢትዮጵያ ቡና ከ ሀዋሳ ከተማ ያደረጉት ጨዋታ በእረፍት ሰአት በተፈጠረ የደጋፊዎች ረብሻ ምክንያት ጨዋታው እንዲቋረጥ ተወስኗል፡፡ በጥሩ ድባብ እና ፈጣን እንቅስቃሴ የተጀመረው ጨዋታ በሜዳ ላይ ጉሽሚያዎች ታጅቦ ቀጥሎ ከ30ኛው ደቂቃ በኋላ መልኩን ቀይሯል፡፡ ደስታ ዮሃንስ ያሻማውን ቅጣት ምት ጋዲሳ መብራቴ አግኝቶ ወደ ግብ ሲመታ አቅጣጫው ቀይሮ አስቻለው ግርማ ጋር ሲደርስ የቀድሞው የኢትዮጵያ ቡና ተጫዋች ወደ ግብነት ቀይሯታል፡፡ ለግቧ መቆጠር ምክንያት የነበረው ጋዲሳ መብራቴ ከጨዋታ ውጪ በሆነ አቋቋም ላይ እንደነበር በመግለፅ የኢትዮጵያ ቡና ደጋፊዎች በእለቱ ዳኛ ላይ ተቃውሞዋቸውን ያሰሙ ሲሆን የፕላስቲክ ጠርሙሶች ወደ ሜዳ መወርወር ጀምረዋል፡፡ አንድ ደጋፊም አጥር ዘሎ በመግባት የእለቱን አርቢቴር ለመደብደብ ሲጋበዝ ተስተውሏል፡፡

PicsArt_1465595306923

ከግቡ መቆጠር በኋላ የተቋረጠው ጨዋታ ከ7 ደቂቃዎች በኋላ በድጋሚ እንዲጀመር ተደርጎ የመጀመርያው አጋማሽ ቢጠናቀቅም በሚስማር ተራ የሚገኙ ደጋፊዎች የተሰቀሉ ባነሮችን በመቀዳደድ የጀመሩት ረብሻ በሁሉም የስታድየሙ ክፍል ተዳርሶ ከፍተኛ ትርምስ ተፈጥሯል፡፡ በፌዴራል ፖሊሶች እና በደጋፊዎች መካከል ግጭቶች የነበሩ ሲሆን በስታድየሙ የተመደበው የፀጥታ ሃይል ከነበረው የደጋፊ ብዛት ጋር ተመጣጣኝ ያልነበረ መሆኑ ችግሩን ሲያባብሰው ተስተውሏል፡፡ ሁከቱ በፈጠረው ትርምስ ምክንያትም በርካታ ደጋፊዎች እና የፀጥታ አካላት ተጎድተዋል፡፡ በወንበሮች እና በተሰቀሉ ባነሮች ላይም ጉዳት ደርሷል፡፡

ለ1 ሰአት ያህል ከቀጠለው ትርምስ በኋላ ደጋፊዎች ከስታድየሙ እንዲለቁ ተደርጎ በባዶ ስታድየም ጨዋታው እንዲቀጥል ተጫዋቾች ከመልበሻ ክፍል ቢወጡም የአለቱ ኮሚሽነር ጨዋታው እንዲቋረጥ አዘው የሁለተኛው አጋማሽ ሳይካሄድ ቀርቷል፡፡ ሁለተኛው አጋማሽ መቼ እንዲቀጥልም ከውሳኔ ላይ አልደረሰም፡፡

የኢትዮጵያ እግርኳስ በዚህ አመት ቁጥሩ የበዛ የደጋፊዎች ግጭት እና ረብሻ ማስተናገዱን ቀጥሏል፡፡ ችግሩም መፍትሄ ሳይገኝለት ከእለት ወደ እለት ስር እየሰደደ መጥቷል፡፡ የኢትዮጵያ እግርኳስ ፌዴሽን እና የሚመለከታቸው ባለድርሻ አካላት ቀላል ቅጣቶችን ከማስተላለፍ እና ጣት ከመቀሳሰር ባለፈ የማያዳግሙ የመፍትሄ እርምጃዎች ካልተሰዱ በቀር እየተባባሰ የመጣው የደጋፊዎች ረብሻ ከእግርኳስ ሜዳዎች አልፎ ትልቅ ሃገራዊ ስጋት ወደመሆን መሸጋገሩ አይቀሬ ነው፡፡

PicsArt_1465595216654

5 thoughts on “ፕሪሚየር ሊግ ፡ የኢትዮጵያ እግርኳስ በደጋፊዎች ረብሻ መታመሱን ቀጥሏል

  • June 13, 2016 at 12:27 pm
    Permalink

    Clear Goal!
    Long life to all Ethiopian Football Clubs.
    Ethiopian referees are working on ethical manner. All the time!!!

  • June 13, 2016 at 11:02 am
    Permalink

    ይህ ሁሉ እየሆነ ያለው ጥቂት በሆኑ የኢትዮጵያ ቡና ደጋፊዎች ነው። ከለት ዕለት አሳፋሪ ተግባራቸውን እና የታላቁን ቡድን ስም ማጉደፈቸውን ተያይዘውታል። በጊዜ ሀይ ባይ ካጡ ለሀገሪቱም እግር ኳስ አሉታዊ ተፅዕኖ ማሰረፋቸው አይቀሬ ነው።

  • June 11, 2016 at 2:54 pm
    Permalink

    ይኼ ሁሉ ከአቶ ጁነዲ በሻህ ከሞቴ አስተዳደር የተነሳ ነው፡፡

  • June 11, 2016 at 12:02 pm
    Permalink

    Ibakachihun Buanawochin askeyami dekami nachihu beluachew…inesun lefootball ida inji tekami ayidelum..yadisaba gazetegnoch balefew samint YeDashen degafiwoch indi adregu sitilu neber..bezih samint bunawoch indetelemedew asafari siseru …YeBuna degafiwoch lemaletim alideferachum…asafariwoch

  • June 11, 2016 at 6:00 am
    Permalink

    አሁን የአገራች ኳስ ጨዋታ እንዲህ ረብሻ የሚያስነሳ ነው???? ይገርማል 5ጊዜ በስርዐት መቀባበል የሌለበት

Leave a Reply

error: