የኢትዮጵያ እግርኳስ ፌዴሬሽን ለወልድያ ፎርፌ ወሰነ

በኢትዮጵያ ከፍተኛ ሊግ 20ኛ ሳምንት ወልድያ መልካ ቆሌ ስታድየም ላይ ሰኔ 4 ቀን 2008 በወልድያ እና አማራ ውሃ ስራ መካከል ሲደረግ የነበረው ጨዋታ በእረፍት ሰአት መቋረጡ የሚታወስ ነው፡፡ ይህን ተከትሎ የኢትዮጵያ እግርኳስ ፌዴሬሽን ዲሲፕሊን ኮሚቴ እና የውድድር እና ስነስርአት ኮሚቴ ከትላንት በስቲያ ባደረጉት ስብሰባ ጥፋተኛ በተባሉት ላይ ቅጣት ለመጣል ከውሳኔ ተደርሷል፡፡

በውሳኔው መሰረት ወልድያ 3 ነጥብ እና 3 ንፁህ ግብ እንዲያገኝ የተወሰነለት ሲሆን አማራ ውሃ ስራ የኮሚሽነር ውሳኔን ባለማክበር እንዲሁም የተገኘውን ተመልካች ባለማክርና እና በሌሎች የዲሲፕሊን ጥሰቶች ምክንያት ፎርፌ እንዲሰጥበት እንዲሁም 15000 ብር እንዲቀጣ ተወስኗል፡፡

ውሳኔውን ተከትሎ ወልድያ 47 ነጥብ በመያዝ መሪነቱን ከፋሲል ከተማ ተረክቧል፡፡

የውሳኔውን ሙሉ ዝርዝር ከፌዴሬሽኑ  እንደደረሰን እናቀርባለን፡፡

8 thoughts on “የኢትዮጵያ እግርኳስ ፌዴሬሽን ለወልድያ ፎርፌ ወሰነ

  • June 28, 2016 at 1:11 pm
    Permalink

    መደብደብ ነበረባችሁ። ባለመደብደባችሁ ፎርፊ ተስጥቶባችኋል። 3 ነጥብ ምንም አይደለም። ብሩም እንደዛው። ባለሜዳው ቡድን ሃላፊነቱ ምን ነበር? ለማንኛውም የወልድያ ትልቁን ሰው ለማስደስት አውስኮድ መፍረስ አለበት ማለት

  • June 28, 2016 at 12:16 pm
    Permalink

    ትክክለኛ ውሳኔ ነው፡፡ ለወልድያ ባይወሰንለት ግን በፌዴሬሽኑ ጥርጣሬ ይኖርብኝ ነበር አሁን ግን ጥሩ ውሳኔ ነው፡፡ ጥፋተኛው በትክክል ለይተውታል፡፡ ግን ለምን እንደዘገየ አልገባኝም፡፡ ለወደፊቱ ውሳኔዎች በፍጥነት መወሰን አለባቸው፡፡

  • June 28, 2016 at 12:43 am
    Permalink

    እኔ በበኩሌ አውስኮድ እንደተባለው ከሆነ ለፌዴሬሽኑ ተመቻችቶለታል ። እረፍት ላይ መልበሻ ክፍል መቅረት አልነበረበትም ። እንኳን ይሄን አግኝቶ አይደለም እንዲያውም እንዲያው ነው ፌዴሬሽኑ ። 2005 አዳማ ላይ በተደረገ የአዳማና የመከላከያ ጨዋታ ሙሉ በሙሉ የዳኛው ስህተት ሆኖ በምስል የተደገፈ መረጃ እያለ ፌዴሬሽኑ ፍርደ ገምድል ዳኝነት በአዳማ ላይ ወስኗል ። የኢትዩጵያ እግር ኳስ ፌዴሬሽን አሰራር ኋላ ቀር የሁለት ግለሰቦችን አስተያየት ተቀብሎ ውሳኔ የሚሰጥ ያረጀ ያፈጀ አሰራር ስለሚከተል አትፍረዱበት ።

Leave a Reply

error: