ካፍ በአዲስ አበባ ስታድየም የመጫወቻ ሜዳ ዙርያ ፌዴሬሽኑን አስጠነቀቀ

የአፍሪካ እግርኳስ ኮንፌድሬሽን (ካፍ) የኢትዮጵያ እግርኳስ ፌድሬሽንን በአዲስ አበባ ስታዲየም የመጫወቻ ሜዳ ላይ ያለውን ቅሬታ አሰምቷል፡፡ ኮንፌድሬሽኑ ከዚህ ቀደምም ስታዲየሙ መሻሻል እንደሚገባው በዚሁ አመት ማሳወቁ ይታወሳል፡፡

ቅዱስ ጊዮርጊስ ከቱኒዚያው ኤስፔራንስ ደ ቱኒዝ ጋር ካደረጉት የቻምፒየንስ ሊግ ጨዋታ በኃላ እንግዳው ቡድን በሜዳው ጥራት ላይ ጥያቄ አንስቷል፡፡ ስታዲየሙ ማንኛውንም የአህጉራዊ ጨዋታዎች እንዳያስተናግድ እገዳ ተጥሎበታል ቢባልም ሶከር ኢትዮጵያ ከካፍ እንዳረጋገጠው ከሆነ ስታዲየሙ ጨዋታዎችን እንዳያስተናግድ አለመታገዱን ነው፡፡ ይልቅም ካፍ በመጫወቻ ሜዳው ላይ ፌድሬሽኑ አስፈላጊውን ክትትል እና ስራ እንዲሰራ አሳስቧል፡፡ በመጪው እሁድ በምድቡ ሶስተኛ ጨዋታ ቅዱስ ጊዮርጊስ አዲስ አበባ ስታዲየም ላይ እንደሚካሄድ ካፍ ጨምሮ ገልጿል፡፡

ለረጅም አመታት የኢንተርናሽናል ጨዋታዎችን ሲያስተናግድ የቆየው የአዲስ አበባ ስታዲየም የመጫወቻ ሜዳ ደረጃውን የጠበቀ ጥገና ሳይደረግበት ቆይቷል፡፡ ስታዲየሙ በዘንድሮው የውድድር አመት ለስድስት የአዲስ አበባ ክለቦች የሜዳ ላይ ጨዋታ ያስተናገደ ሲሆን የአበበ ቢቂላ መታሰቢያ ስታዲየም ለጥገና መዘጋቱን ተከትሎ የጨዋታ መደራረብ በስታዲየሙ አጋጥሟል፡፡ ክረምት በገባ ቁጥርም ሜዳው ለጨዋታ አስቸጋሪ ሲሆን ይታያል፡፡

Omna Taddele

This article is written by Omna Taddele.

You can contact him by clicking on the Twitter icon under the photo.

One thought on “ካፍ በአዲስ አበባ ስታድየም የመጫወቻ ሜዳ ዙርያ ፌዴሬሽኑን አስጠነቀቀ

  • June 6, 2017 at 4:31 pm
    Permalink

    Thank you Amona for your hard work in informing this for us. Our stadium does not qualifies the country, it could not be ranked even with stadiums of those very small countries like Equatorial Guiana as per the information of our journalists who have visited these countries. So that the federation shall speed up the construction of new Adey Abeba stadium under construction and again it should use other regional stadiums like Hawassa and Bahirdar for international matches.

    Reply

Leave a Reply

Your email address will not be published. Required fields are marked *