ድሬዳዋን በሊጉ ያቆየው ጅማ አባ ቡናን ወደ ከፍተኛ ሊግ የሸኘው የድሬዳዋ ፍልሚያ 

በኢትዮጵያ ፕሪምየር ሊግ የመጨረሻ ሳምንት መርሀ ግብር ከተደረጉ ጨዋታዎች መካከል ከፍተኛ ትኩረት አግኝቶ የነበረው የድሬዳዋ ከተማ እና ጅማ አባ ቡና ጨዋታ ድሬዳዋን ለከፍተኛ ደስታ ፤ ጅማ አባ ቡናን ለጥልቅ ሀዘን ዳርጎ ተጠናቋል፡፡ 

ማሸነፍ ብቻ በፕሪምየር ሊጉ ያቆየው የነበረው ድሬዳዋ ከተማ ተጭኖ ሲጫወት አባ ቡና በጥብቅ የመከላከል አጨዋወት ወደ ሜዳ ገብቷል፡፡

ፌዴራል ዳኛ ዳዊት አሳምነው በዋና ዳኛ የመሩት ጨዋታ ላይ የመጀመርያው አጋማሽ የጨዋታ ክፍለ ጊዜ በኳስ ቁጥጥርም ሆነ ወደ ጎል በመድረስ እና ጠንካራ የጎል ሙከራ በማድረግ ባለሜዳዎቹ ድሬዳዋዎች ከጅማ አባ ቡና የተሻሉ ነበሩ። ለአብነት ያህል 13ኛው እና 17ኛው ደቂቃ ላይ ሀብታሙ ወልዴ የሞከራቸው ለጎል የቀረቡ ሙከራዎች ይጠቀሳሉ።

በአንፃሩ እንግዶቹ ጅማ አባቡናዎች ጥንቃቄ የተሞላበት አጨዋወት በመምረጥ  አሜ መሀመድን ብቻ ከፊት አድርገው አብዛኛዎቹ ተጨዋቾች ከኳስ ጀርባ በመሆን አጥብቀው ሲከላከሉ አሜ መሀመድ በተለያየ የሜዳው ክፍል ጉልበቱን ፣ ፍጥነቱን በመጠቀም የጎል እድል ለማግኘት ከሚፈጥረው እንቅስቃሴ ውጭ የድሬደዋው ግብ ጠባቂ ሳምሶን አሰፋ ብዙም ስራ ሳይበዛበት ውሏል ማለት ይቻላል።

የጨዋታው አጋማሽ መጠናቀቂያ 44ኛው ደቂቃ ላይ ድሬዳዋ ከተማ ተጨዋቾች ኳስ በእጅ በመነካቱ ፍፁም ቅጣት ምት ሊሰጠን ይገባል በማለት የዕለቱን ዳኛ በመክበብ ተቋሟቸውን ያሰሙበት መንገድ የጨዋታው አንዱ ክስተት ነበር፡፡

ከእረፍት መልስ በጨዋታ አቀራረብ በሁለቱም ቡድኖች በኩል ከመጀመርያው አጋማሽ ምንም የተለየ ነገር አልነበረም፡፡ እንደ መጀመርያው አጋማሽ ሁሉ ባለ ሜዳዎቹ ድሬዎች ጎል ለማስቆጠር የሚያደርጉት ጥረት  ባልተደራጀ ሁኔታ በመሆኑ ጎል ለማስቆጠር ተቸግረው ነበር።

50ኛው ደቂቃ ላይ በግምት 35 ሜትር እርቀት የተሰጠውን ቅጣት ምት ዘነበ ከበደ የመታውን ጀማል ጣሰው እንደምንም ያወጣበት ኳስ ለድሬደዋዎች የምታስቆጭ አጋጣሚ ነበረች፡፡ ከዚህ የጎል ሙከራ በኋላ የተነቃቁት ድሬዎች 58ኛው ደቂቃ ላይ በረከት ይስሃቅ ግልፅ የማግባት አጋጣሚ አግኝቶ ያመከናት የማይታመን አጋጣሚ ነበር።

በጨዋታው ብልጫ የተወሰደባቸው አባ ቡናዎች የተጨዋች ለውጥ በማድረግ ክፍተታቸውን ለመድፈን ካደረጉት ጥረት በተጓዳኝ ሰአቱ እየገፋ በሄደ ቁጥር የአቻ ውጤቱን ለማስጠበቅ በሚመስል መንገድ ተጨዋቾች ሜዳው ላይ በመውደቅ ሰአት ለማባከን ሲሞክሩ ተስተውሏል።

የጨዋታው መጠናቀቂያ ደቂቃ በደረሰ ቁጥር በስታድየሙ የሚገኘው ተመልካች በሙሉ ማለት ይቻላል በጭንቀት ዝምታ ውስጥ ተውጦ ባለበት ሰአት 81ኛው ደቂቃ ላይ ከድሬደዋ የግብ ክልል የተሻገረውን ኳስ በግራ መስመር ላይ ከኳሷ ፊት የሚገኘው ቢያድግልኝ ኤልያስ ኳሱን በመሸፈን የመልስ ምት ለማሰጠት በሞከረበት ቅፅበት ተቀይሮ የገባው ፍቃዱ ወርቁ ከጀርባው ሾልኮ በመውጣት በጥሩ እይታ ሳጥን ውስጥ ነፃ ሆኖ ለቆመው ሐብታሙ ወልዴ አመቻችቶ አቀብሎ ተስፋኛው አጥቂ ሀብታሙ ወልዴ በግሩም ሁኔታ በግራ እግሩ በመምታት በዝምታ ተውጦ የነበረው የድሬደዋ ስቴዲዮም በከፍተኛ የደስታ ድምፅ እንዲናጥ አድርጎታል፡፡

በቀሩት ዘጠኝ ደቂቃ ውስጥ ጅማ አባቡናዎች ጎል ፍለጋ ተጭነው ለመጫወት ቢሞክሩም ተጨዋች በመቀየር የተከላካይ ስፍራቸውን ያጠናከሩት ድሬደዋዎች ውጤቱን በማስጠበቅ የሚፈልጉትን ሦስት ነጥብ በማሳካት 1-0 በሆነ ውጤት አሸንፈው ለከርሞ በፕሪምየር ሊግ መሰንበታቸውን የሚያረጋግጡበትን ወርቃማ ነጥብ ማግኘት ችለዋል። አሰልጣኝ ገብረ መድን ጅማ አባቡናን ከያዘበት ጊዜ አንስቶ መሻሻል ያሳዩት ጅማ አባ ቡናዎች መሸነፋቸውን ተከትሎ በፕሪምየር ሊጉ በመጡበት አመት ወደ ከፍተኛ ሊግ በአሳዛኝ ሁኔታ ተሰናባች ሆነዋል።

ከጨዋታው መጠናቀቅ በኋላ ተጨዋቾቹ አሰልጣኞቹ በስታድየም የሚገኘት የድሬደዋ ከተማ ደጋፊዎች በደስታ ብዛት በእንባ ሲራጩ በአንፃሩ በርካታ ኪሎ ሜትር አቋርጠው የመጡት ደጋፊዎች የቡድኑ ተጨዋቾች በሀዘን ስሜት ውሰጥ ሆነው ታይተዋል፡፡

የአሰልጣኞች አስተያየት

ዘላለም ሽፈራው

” በጣም ውጥረት የተሞላበት የራሳችንን እድል በራሳችን እድል የምንወስንበት ጨዋታ በመሆኑ ፈታኝ ጨዋታ ነበር፡፡ የማታ ማታ ተሳክቶልን ከጨዋታ ብልጫ ጋር ማሸነፋችን ደስተኛ ነኝ፡፡ ጅማ አባ ቡና ጠንካራ ቡድን ነው ፤ በመውረዱ አዝናለው፡፡ ምንም ማድረግ አይቻልም እግር ኳስ ነው፡፡”

” ከጎሉ መቆጠር በፊት በጣም ተጨንቄ ነበር፡፡ አሁን አቻ ብንወጣ ምንድነው የሚፈጠረው ፤ ደጋፊው ይህ አይገባውም እያልኩ ባለሁበት ሰአት ጎል ሲቆጠር ደስታዬ ልዩ ነበር፡፡ የታሪክ ተወቃሽ ከመሆንም ድኛለው”

ገብረመድህን ኃይሌ

” የተሸነፍነው ቀድመን ነው፡፡ የተመደበው ዳኛ ማን እንደሆነ ስናውቅ በስነ ልቦናው አዳክሞናል፡፡ እንደምታውቁት ይህ ዳኛ ድሬደዋን ብዙ አጫውቷል ፤ ይህን ተከትሎ እንዲቀየር ያደረግነው ጥረት ሰሚ አጥቶ ወደ ጨዋታው ገባን፡፡ ተጫዋቾቼም ከፍተኛ ጥፋት እየተሰራባቸው ዝም ይል ነበር፡፡ እነሱም ፍፁም ቅጣት ምት ይሰጥብናል ፣ ቀይ ካርድ እናያለን በማለት በመፍራታቸው አቅማቸውን አውጥተው መጫወት አልቻሉም፡፡ መቼ ነው የኢትዮዽያ እግር ኳስ ከእንደዚህ የለየለት ደባ የሚፀዳው፡፡ በእግር ኳስ ህይወቴ እንደዛሬ የቆሰልኩበት ቀን የለም፡፡ ይህ ቡድን መውረድ የለበትም ነበር፡፡ ብቻ እግር ኳሳችን እንዲህ ሆኖ አይቀርም ይስተካከላል፡፡”

ዳንኤል መስፍን

ዳንኤል መስፍን

ይህንን ፅሁፍ ያቀረብኩላችሁ ዳንኤል መስፍን ነኝ

ከፎቶው በታች ያለው የፌስቡክ ምልክት ተጭነው ሊያገኙኝ ይችላሉ
ዳንኤል መስፍን

ዳንኤል መስፍን

ይህንን ፅሁፍ ያቀረብኩላችሁ ዳንኤል መስፍን ነኝ

ከፎቶው በታች ያለው የፌስቡክ ምልክት ተጭነው ሊያገኙኝ ይችላሉ

8 thoughts on “ድሬዳዋን በሊጉ ያቆየው ጅማ አባ ቡናን ወደ ከፍተኛ ሊግ የሸኘው የድሬዳዋ ፍልሚያ 

  • July 11, 2017 at 6:57 pm
    Permalink

    እድሜ ለሙሰኛዉ እና ወራዳዉ የኢትዮጵያ እግር ኳስ ፌደሬሽን አስራ አንድ ደረጃዎችን አሽቆልቁለናል ገና መቶ ደረጃ ይቀረናል ወራዳ ባለጌ ትዉልድ ገዳይ ፌደሬሽን እነዚህ ሚገዛ ካገኙ ሀገር ከመሸጥ ወደ ኻላ አይሉም

    Reply
  • June 26, 2017 at 9:23 am
    Permalink

    መች ይሆን የኛ ሀገር አሰልጣኞች ሀላፊነት መውሰድ የሚለምዱት 30 አመት ሙሉ በማሳበብ እየኖሩ ኳሱን ገደሉት!
    በካ ሀላፊነቱን ውሰዱ አታታሉን! እሽ አሰልጣኙ ይሄን ካሰብ እና ብቃት አለኝ ካለ፣ ለምን ከድሬ ጨዋታ በፊት ከመውረድ አያድነውም ነበር .. ጉራ ብቻ! አለ ቴዲ አፍሮ!!!!!
    እውነቱን ነው

    Reply
    • June 27, 2017 at 10:33 am
      Permalink

      ድሬዎች እንኳን ደስ ያላቹ ግን ሁሌ በዓመቱ መጨረሻ በስጋት መጫወት ይብቃን ለ2010 ከወዲሁ ቡድናችን በሁሉም መስክ ተጠናክሮ መቅረብ አለበት ስራችንን ቀድመን እንስራ የነ ኮተኒ የነ ምድር ባቡር ልጆች ዘመን ሞገስ ክብር ተመልሶ ማየትን እናፍቃለሁ ሰላማቹ ይብዛ ያገሬ ልጆች፡፡ አባ ቡና ጥሩ ቲም ግን እግር ኳስ ነው ያጋጥማል መውረድ ያልነበረበት ቡድን ወረደ ቡናስ ሲፈላ ይወርድ የለ አቦ ለቀጣይ ተዘጋጁ በቃ

      Reply
  • June 26, 2017 at 9:15 am
    Permalink

    መች ይሆን የኛ ሀገር አሰልጣኞች ሀላፊነት መውሰድ የሚለምዱት 30 አመት ሙሉ በማሳበብ እየኖሩ ኳሱን ገደሉት!
    በካ ሀላፊነቱን ውሰዱ አታታሉን! እሽ አሰልጣኙ ይሄን ካሰብ እና ብቃት አለኝ ካለ፣ ለምን ከድሬ ጨዋታ በፊት ከመውረድ አያድነውም ነበር .. ጉራ ብቻ! አለ ቴዲ አፍሮ

    Reply
  • June 25, 2017 at 6:53 pm
    Permalink

    BeTam yasaznal ye Jimma mewred. Junedin ye misraK sew new sibal semichalhu. G/M Haile yalew tikikil kehone, federeshinu tiliK TniKaKe mewsed neberebet. Belelaw alem, indih aynet wesagn Chewata bizu TiniKaKe yideregiletal.
    Federeshin kendih aynetu neger(lack of professionalism) rasun yatsda.

    Reply
  • June 25, 2017 at 6:47 am
    Permalink

    Soceroch andande tabezutalachu eshi….egnam eko 1000KM teguzen heden meda wust federal askemiton dedeb ye dire degafiwoch dingay siyazenbubin endet esun azegibum …demo ewnetim Federal dagna esun bilo federal lijochun enkuan chilo maydagn lezi chaweta yimedebal adel…

    demo next year ye dire degafiwoch jimma keneman lemegtem jimma yimetalu egna demachin feso ye man endemiker enayalen, be techalachu meten yenesu degafi fit endemehonachu adelem degafi techawachochum tilant egnan ye metunin federal endiyametu nigerwachew unless….

    Soceroch demo sitisifu ende sport medianet dire be desta telakesu kemitilu yegnanis dingay ena andand higewet federal yaderegutin bitaweru ahun gena astelachugn

    Ababuna next year temeliso yimetal neger gin eskezaw kenema silalen tata yelewum gin report kalachu alkere hulunim report adirgu .

    enakalen dedeb federation endalen neger gin enantem abrachu dedeb atihunu sinte be dagna sinibedel zim alachu mawrat keferachu beka report atbelu wutet bicha tsafu

    Reply
  • June 24, 2017 at 11:02 pm
    Permalink

    አሁን የውበቱ ቅጣት ገባችሁ ? ነገ ገ/መድህን ይቀጣል b/c ፌዴሬሽኑ የጁነዲን ፣አሰልጣኙ ” ሙስና “ነው ።

    Reply
    • June 26, 2017 at 9:29 am
      Permalink

      መች ይሆን የኛ ሀገር አሰልጣኞች ሀላፊነት መውሰድ የሚለምዱት 30 አመት ሙሉ በማሳበብ እየኖሩ ኳሱን ገደሉት!
      በካ ሀላፊነቱን ውሰዱ አታታሉን! እሽ አሰልጣኙ ይሄን ካሰብ እና ብቃት አለኝ ካለ፣ ለምን ከድሬ ጨዋታ በፊት ከመውረድ አያድነውም ነበር .. ጉራ ብቻ! አለ ቴዲ አፍሮ
      እውነቱን ነው

      Reply

Leave a Reply

Your email address will not be published. Required fields are marked *