በከፍተኛ ሊግ | የሱሉልታ እና መቀለ ከተማ ጨዋታ ውዝግብ. . .

በሱሉልታ ከተማ እና በመቀለ ከተማ መካከል ጨዋታው እንዲካሄድ አስቀድሞ መርሀ ግብር ወጥቶለት የነበረው ሰኔ 19 ቀን 2009 የነበረ ቢሆንም በጣለው ዝናብ ምክንያት ሜዳው ለጨዋታ ምቹ አይደለም በሚል ጨዋታው ማክሰኞ ሰኔ 20 ረፋድ 05:00 እንዲካሄድ ቢወሰንም በተመሳሳይ ሜዳው ለጨዋታ አመቺ አይደለም በሚል በዚሁ ቀን  09:00 ላይ ሰበታ ከተማ ሜዳ ላይ እንዲካሄድ የዕለቱ ኮሚሽነሮች ወስነው ተለያይተዋል፡፡ በቦታውም መቀለ ከተማዎች ከበርካታ ደጋፊዎቻቸው ጋር በመሆን ቢገኙም ሱሉልታ ከተማዎች የያያ ቪሌጅ ሜዳ ማጫወት ይችል ነበር ፤ ሆኖም ከተቀየረ በነጋታው በሜዳችን መጫወት ይገባናል በማለት ያቀረቡትን ጥያቄ ተከትሎ ጨዋታው ሰኔ 21(ዛሬ) ጠዋት 03:00 እንዲካሄድ የሊግ ኮሚቴ ወሰነ፡፡ ሰበታ ሜዳ ላይ የሚገኙት መቀለ ከተማዎችም ለፌዴሬሽኑ ቅሬታ አቀረቡ።

ዛሬ ሰኔ 21 ጠዋት 03:00 ላይ በሱሉልታው ያያ ቪሌጅ እንዲካሄድ የተወሰነውን ጨዋታ ለማድረግ ሁለቱም ቡድኖች ፣ የፌዴሬሽኑ ስራ አስፈፃሚ አባል ፣ የሊግ ኮሚቴ አባታት የተገኙ ሲሆን በድጋሚ ሜዳው ለጨዋታ ለማከናወን አመቺ አይደለም በማለት 05:00 ላይ አዲስ አበባ ስታድየም እንዲካሄድ ተወሰናል ።

ከጨዋታው አስቀድሞ በዝናብ ምክንያት ጨዋታው መካሄድ በነበረበት ሰኔ 19 እና 20 ላይ ጨዋታውን በዋና ዳኝነት ሊመሩ የተመደቡት ፌደራል ዳኛ አለማየሁ ለገሰ እና አራተኛ ዳኛ ፌደራል ዳኛ ኢብራሂም አሊጋዝ እንዲሁም ኮምሽነር ይግዛው ተቀይረው በምትካቸው በዋና ዳኝነት ፌደራል ዳኛ ደረጄ ገብሬ በአራተኛ ዳኝነት ፌደራል ዳኛ ፣ዳንኤል ግርማይ በኮምሽነርት ሸረፋ ዴሌቾ የተመደበ ሲሆን በዚህም የዳኛ እና የኮምሽነር ለውጥ ምክንያት ሱሉልታ ከተማዎች ቅሬታቸውን አቅርበዋል ።

05:00 ላይ በአዲስ አበባ ስታድየም የሁለቱም ክለቦች በርካታ ደጋፊዎች በተገኙበት ሞቅ ደመቅ ብሎ የተጀመረው የዕለቱ ጨዋታ በመጀመርያው አጋማሽ ጠንካራ ፉክክር ተስተናግዶበት ጎል ሳይቆጠር ወደ መልበሻ ክፍል አምርተዋል ።

ከእረፍት መልስ ጨዋታው ተጋግሎ በቀጠለበት ሰአት 57ኛው ደቂቃ ላይ መቀለ የግብ ክልል ውስጥ የሱሉልታው አጥቂ ቶሎሳ ንጉሴ ጥፋት ተሰርቶብኛል በማለት ቢወድቅም የዕለቱ ዳኛ ደረጄ ገብሬ ሆን ብለህ ነው የወደቅከው በማለት የቢጫ ካርድ ሰጥተውት ጨዋታው በቀጠለበት ቅፅበት በዕለቱ ጥሩ ሲንቀሳቀስ የነበረው አማኑኤል ገ/ሚካኤል መቀለ ከተማን ቀዳሚ የምታደርግ ጎል አስቆጥሯል። በዳኛው ውሳኔ ደስተኛ ያልነበሩት ሱሉልታዎች ዳኛውን በመክበብ ተቃውሟቸውን እያሰሙ ባለበት ሰአት አምበሉ ቶሎሳ ንጉሴን ጨዋታውን እንዳልመራ አውከኸኛል በማለት በሁለት ቢጫ በቀይ ካርድ ከሜዳ አስወጥተውታል።

ከተወሰኑ ደቂቃዎች መቋረጥ በኋላ የቀጠለው ጨዋታ 69ኛው ደቂቃ ላይ አንድ ክስተት ተፈጠረ፡፡ የመቀለው ተጨዋች ሳጥን ውስጥ ያገኘውን ኳስ ወደ ጎል ቢሞክረውም ለጥቂት የግቡን ቋሚ ታኮ ይወጣል፡፡ ሆኖም የዕለቱ ዳኛ ኳሱን ሲመታው ጥፋት ተሰርቶበታል በሚል የፍፁም ቅጣት ምት ሰጥተዋል፡፡ በዳኛው ውሳኔ የተበሳጩት ሱሉልታዎችም ጨዋታውን አንጫወትም በማለት ሜዳውን ለቀው ወጥተዋል። የዕለቱ ዳኛ ከኮሚሽነሩ እና የሁለቱም ቡድኖች አምበሎች ጋር ተነጋግረው ጨዋታው 69ኛው ደቂቃ ላይ ሊቋረጥ ችሏል።

ኮሚሽነሩ ከሚያቀርቡት ሪፖርት ተነስቶ የሊግ ኮሚቴው በተቋረጠው ጨዋታ ዙርያ ምን እንደሚወስን ወደፊት የሚገፅ ይሆናል ።

በዚሁ ዕለት አስቀድሞ እንዲካሄድ የተወሰነው የመቀለ ከተማ እና የባህርዳር ከተማ ጨዋታ በሱሉልታ እና መቀለ ጨዋታ ምክንያት ወደ ሌላ ጊዜ ሲሸጋገር ባህርዳር ከተማዎች የቀን ለውጡ የተነገረን በደብዳቤ ሳይሆን በስልክ በመሆኑ ብንቀር ፎርፌ ይሰጥብናል በማለት ባህርዳር ከተማዎች ተገኝተው የነበረ ቢሆንም ጨዋታው ሰኔ 27 እንደሚካሄድ ተነግሯቸው ተመልሰው ሄደዋል።

አሁን ላይ በተገኘው መረጃ መሰረት የዛሬው ጨዋታን የመራው ደረጄ ገብሬ ላይ ቅጣት መጣሉ የተነገረ ሲሆን የውሳኔዎቹን ዝርዝር እንደደረሰን የምናቀርብ ይሆናል፡፡

ዳንኤል መስፍን

ዳንኤል መስፍን

ይህንን ፅሁፍ ያቀረብኩላችሁ ዳንኤል መስፍን ነኝ

ከፎቶው በታች ያለው የፌስቡክ ምልክት ተጭነው ሊያገኙኝ ይችላሉ
ዳንኤል መስፍን

ዳንኤል መስፍን

ይህንን ፅሁፍ ያቀረብኩላችሁ ዳንኤል መስፍን ነኝ

ከፎቶው በታች ያለው የፌስቡክ ምልክት ተጭነው ሊያገኙኝ ይችላሉ

9 thoughts on “በከፍተኛ ሊግ | የሱሉልታ እና መቀለ ከተማ ጨዋታ ውዝግብ. . .

  • August 3, 2017 at 6:32 pm
    Permalink

    ዳኛው ትግሬ ነው?

    Reply
  • June 29, 2017 at 8:58 am
    Permalink

    This indicates the danger of 2017/18 Ethiopian premier league because the Mekele Club gets points politically every match and the disappointed club raises questions and every thing will be changed into race etc. Sorry Ethiopia the land of genocide and racism.

    Reply
    • June 29, 2017 at 3:55 pm
      Permalink

      Lol betam yasikal.look at the table how on earth would one help mekelle city while wolwalo adigrat is leading.it is an alreafy finished game.you people dont accept reality.i am shamed of bieng part of these people.

      Reply
  • June 29, 2017 at 7:39 am
    Permalink

    Mekelie askeyami club r u collected from hagazi

    Reply
  • June 28, 2017 at 11:08 pm
    Permalink

    egir quas poletica eyehone meta, yepoletica masifetsemia bayihon melkam neber. Pure football

    Reply
  • June 28, 2017 at 9:57 pm
    Permalink

    ዘንድሮማ ደኞች እቃቃ ተጫወቱብን፡፡ እባካችሁ Soccer Ethiopiaዎች በዚህ ሁኔታ የምድብ ለ የሀዲያ ሆሳዕናና የሀላባ ከነማ ጨዋታ አስጊ ሁኔታ ላይ ነው፡፡ ከሀዲያ ሆሳዕና ቴክኒክ ኮሚቴ ውስጥ ሆሳዕናዎች ረብሻ እንደሚያስነሱ መረጃ እየወጣ ይገኛል፡፡ ስለዚህ መከላከያ ወይም አጋዚ ይመደብልን፡፡

    Reply
    • June 28, 2017 at 11:28 pm
      Permalink

      ኧረ አብዱ ምን ለማለት ወይም ምን ዓይነት ዓላማ እንዳለህ በደንብ አብራራ እንጂ፣፣፣፣ኪኪኪ የመቀሌ ከተማና የሱሉልታ ከተማ መረጃ ሲቀርብ የሀዲያ ሆሳዕና እና የሀላባ ከነማ ብለህ ትዘባርቃለህ እንዴ?በሀገርቱ አስተማማኝ ሰላም በመኖሩ በእንደዚህ ዓይነት ሽብር ሀሳብ ትዝብት ውስጥ አትግባ።እርግጠኛ ሆኜ የምነግርህ በሀዲያ ሆሳዕና እና በሀላባ ከነማ መካከል የሚደርገው ፉክክር እጅግ አስደሳች እንደሚሆን ነው።

      Reply
  • June 28, 2017 at 9:33 pm
    Permalink

    አባቱ ዳኛ ልጁ ቀማኛ አሉ፡፡

    Reply
  • June 28, 2017 at 9:19 pm
    Permalink

    አረ ባካቹ ኳሳችንን አትግደሉት፡፡ በዘር ሳይሆን በችሎታ ይሁን፡፡

    Reply

Leave a Reply

Your email address will not be published. Required fields are marked *