“ታሪክ መስራት እፈልጋለሁ”  – ጌታነህ ከበደ

የኢትዮጵያ ፕሪምየር ሊግ ሊጠናቀቅ 3 ሳምንታተት ብቻ ቀርተውታል፡፡ ከቡድኖቹ ፉክክር በተጨማሪም በከፍተኛ ግብ አስቆጣሪነት ለማጠናቀቅ የተቃረበው ጌታነህ ከበደ ለ16 አመታት የቆየውን በአንድ የውድድር ዘመን በርካታ ጎል የማስቆጠር ሪኮርድን ይሰብራል/አይሰብርም የሚለው ጉዳይ መነጋገርያ ሆኗል፡፡ አጥቂው በዚህ እና ተዛማጅ ጉዳዮች ዙርያ ከሶከር ኢትዮጵያ ጋር ቆይታ አድርጓል፡፡

ስለ ውድድር ዘመኑ

የሊጉ ፉክክር ጥሩ ሆኗል፡፡ ላለመውረድም ሆነ ለቻምፒየንነት ያለው ፉክክር የስፖርት ቤተሰቡ እስከ መጨረሻው እንዲከታተለው አድርጎታል። የዘንድሮ ሊግ ከመቼውም ጊዜ በላይ አጓጊ ሆኖ እየተካሄደ ይገኛል።

በአንድ የውድድር አመት በርካታ ግብ የማስቆጠር ሪኮርድ ስለመስበር

ቅድሚያ የምሰጠው ክለቤ ውጤታማ እንዲሆን ነው ። እስካሁንም ያስቆጠርኳቸው ጎሎች ለክለቤ ወሳኝ ጎሎች ነበሩ። በመቀጠል በግሌ ታሪክ ለመስራት እፈልጋለው፡፡ በቀሩት ሦስት ጨዋታዎች ላይ ከፈጣሪ ጋር በእርግጠኝነት ጎል በማስቆጠር ሪከርዱን እሰብረዋለው ብዬ አስባለው

 

አብረውት ቢጫወቱ የጎል ማስቀጠር ሪከርዱን ሊያሻሽሉለት ይችላሉ የሚላቸው አማካዮች

ሁለት ተጨዋቾች አሉ ፤ የሀዋሳዎቹ ጋዲሳ መብራቴ እና ፍሬው ሰለሞን ናቸው። ከእነሱ ጋር ተጣምሬ አብሬ ብጫወት ብዙ ጎል አስቆጥራለው፡፡ ምክንያቱም በጣም አቅም ያላቸው አማካይ ስፍራ ጨዋቾች ናቸው ።

ስለ ብሔራዊ ቡድን

ያለፉት አመታት ለብሔራዊ ቡድን በመጫወት እና ጎሎች በማስቆጠር በምችለው መጠን ሁሉ ሀገሬን አገልግያለው። ወደ ፊትም ቢሆን በቻን የአፍሪካ ዋንጫ ማጣርያ እና በአፍሪካ ዋንጫ ማጣርያ ላይ በሚኖሩት ጨዋታዎች ከዚህ ቀደም የሰጠሁትን አገልግሎት ለሀገሬ ለመስጠት ተዘጋጅቻለው።

ማልያውን ቀዶ በመውጣቱ የተፈጠረበት ተፅዕኖ

የፈጠረብኝ ተፅእኖ አለ፡፡ እንደሚታወቀው በተለያዩ ሚዲያዎች ቀርቤ የስፖርት ቤተሰቡን ይቅርታ ጠይቄያለው። ነገር ግን ሁሌም ሳስበው ወቅቱ ባደረኩት ድርጊት አፍራለው። በድርጊቱ ማንንም አልጎዳሁም የጎዳሁት ራሴን ብቻ ነው፡፡ ወደ ሜዳ ስመጣ እፍረት ይሰማኛል። አንዴ ሆኖ አልፏል ትምህርትም ሰጥቶኝ አልፏል። ሌሎች እንዲህ ያለ ነገር እንዳያደርጉም መልክቴን አስተላልፋለው።

ዳንኤል መስፍን

ዳንኤል መስፍን

ይህንን ፅሁፍ ያቀረብኩላችሁ ዳንኤል መስፍን ነኝ

ከፎቶው በታች ያለው የፌስቡክ ምልክት ተጭነው ሊያገኙኝ ይችላሉ
ዳንኤል መስፍን

ዳንኤል መስፍን

ይህንን ፅሁፍ ያቀረብኩላችሁ ዳንኤል መስፍን ነኝ ከፎቶው በታች ያለው የፌስቡክ ምልክት ተጭነው ሊያገኙኝ ይችላሉ

3 thoughts on ““ታሪክ መስራት እፈልጋለሁ”  – ጌታነህ ከበደ

  • May 18, 2017 at 9:21 am
    Permalink

    I think i have seen a report in this web site, the timing of Yordanos Abay 24 league goals as 1993. Pls check it it was 1994. He scored 5 goals in the last game with Saint George in 1994. But in 1993 the result between Saint George and EELPA was 1 – 0 for Saint George thanks to Solomon Girma (Limich) free kick.

    Reply
  • May 17, 2017 at 9:16 pm
    Permalink

    Ewnet new ke hawassa kenema gaddisa+frewu+taffese+daneile memerte alebachewu

    Reply
  • May 17, 2017 at 8:09 pm
    Permalink

    A right choice, please Getaneh talk to NT manager Ashenafe how Firew Solomon is important player for strikers.

    Reply

Leave a Reply

Your email address will not be published. Required fields are marked *