ሴቶች ፕሪምየር ሊግ | ደደቢት በግብ ሲንበሸበሽ አዳማ 2-0 ከመመራት ተነስቶ አሸንፏል

የኢትዮጵያ ሴቶች ፕሪምየር ሊግ በጥሎ ማለፍ ጨዋታዎች ምክንያት ለአንድ ሳምንት ተቋርጦ ተመልሷል፡፡ ደደቢት እና አዳማ ከተማ በግስጋሴያቸው ሲቀጥሉ ኤሌክትሪክም አሸንፏል፡፡

በ8፡00 ጥረትን አበበ ቢቂላ ላይ ያስተናገደው ደደቢት እጅግ ፍፁም ከሆነ የጨዋታ የበላይነት ጋር 5-0 አሸንፏል፡፡ ለደደቢት ግቦቹን ልማደኛዋ ሎዛ አበራ ሁለት እንዲሁም ሰናይት ቦጋለ ፣ ብርቱካን ገ/ክርስቶስ እና አልፊያ ጃርሶ አንድ አንድ ግቦችን ማስቆጠር ችለዋል፡፡

በደደቢት በኩል ሰናይት ቦጋለ እና ብሩክታዊት ግርማ ጥሩ ሆነው በዋሉበት ጨዋታ በዘንድሮው የውድድር አመት ከግብ ጋር የተጣላችው አጥቂዋ ሠናይት ባሩዳ አሁንም ከግብ ጋር መታረቅ አልቻለችም ፤ እንዳለመታደል ሆኖ በዚሁ ጨዋታ ላይም ግብ ልታስቆጥርባቸው የምትችልባቸውን ሁለት ሙከራዎች የግቡ አግዳሚ መልሶባታል፡፡

በአንጻሩ ጥረቶች በመጀመሪያዎቹ ደቂቃዎች ጥሩ መንቀሳቀስ ቢችሉም በሂደት ተዳክመው ተስተውለዋል ፤ በዚህም ሠርካዲስ ጉታ ከቆሙ ኳሳች ከሞከረቻቸው ሁለት ኳሶች በስተቀር በክፍት ጨዋታ ወደ ደደቢት የግብ ክልል መድረስ ባለመቻላቸው የደደቢትዋ ግብ ጠባቂ ገነት አብዛኛውን የጨዋታ ክፍለ ጊዜ ጨዋታውን እንደ ተመልካች ልትታደም ተገዳለች፡፡

ቀጥሎ ከምድብ ለ የተካሄደው የቅዱስ ጊዮርጊስ እና ልደታ ጨዋታ ከመጀመሪያው በተሻለ ተመጣጣኝ እና ማራኪ ፉክክር ታይቶበት 1-1 ተጠናቋል፡፡

ቅዱስ ጊዮርጊሶች በመጀመሪያው አጋማሽ ብዙአየሁ ታደሠ ባስቆጠረችው ግብ ሲመሩ ቢቆዩም ልደታ ክ/ከተማዎች በሁለተኛው አጋማሽ ጅማሮ ተቀይራ ወደ ሜዳ በገባችው ቤቴል በቀለ የአቻነት ግብ 1-1 ሊለያዩ ችለዋል፡፡

አዲስ አበባ ስታድየም ላይ ቦሌ ክፍለ ከተማን የገጠመው ኢትዮ ኤሌክትሪክ 2-0 አሸንፏል፡፡ በአካል ብቃትም ሆነ እድሎችን በአግባቡ በመጠቀም የተሻሉ የነበሩት ኤሌክትሪኮች ገና በመጀመርያው ደቂቃ የፍጹም ቅጣት ምት ቢያገኙም አይናለም ጸጋዬ የመታችውን ኳስ ግብ ጠባቂዋ በቀላሉ መልሳዋለች፡፡ ሆኖም አይናለም በ14ኛው ደቂቃ ግብ አስቆጥራ ኤሌክትሪክን ቀዳሚ ማድረግ ችላለች፡፡ በ27ኛው ደቂቃ ደግሞ አለምነሽ ገረመው ሁለተኛውን አክላለች፡፡ በሁለተኛው አጋማሽ ቦሌዎች የተሻለ መንቀሳቀስ እና ኳስ መቆጣጠር ቢችሉም የተሳካ የግብ ሙከራ ሳያደርጉ ጨዋታው በኤሌክትሪክ 2-0 አሸናፊነት ተጠናቋል፡፡

11:30 ላይ ኢትዮጵያ ቡና አዳማ ከተማን አስተናግዶ በመጨረሻዎቹ ደቂቃዎች በተቆጠሩበት ግቦች 3-2 ተሸንፏል፡፡ ጠንካራ ፣ አዝናኝ እና ፈታኝ እንቅስቃሴ በታየበት ጨዋታ አዳማ ከተማዎች 2-0 ከመመራት አንሰራርተው ድል አስመዝግበዋል፡፡

በመጀመርያው አጋማሽ ኢትዮጵያ ቡና የተሻለ እንቅስቃሴ በማሳየት በ12ኛው ደቂቃ ቁምነገር ካሳሁን ባስቆጠረችው ግብ ቀዳሚ ሆኖ ወደ መልበሻ ክፍል አምርቷል፡፡ ከእረፍት መልስ አዳማ ከተማ የአቻነተ ጎል ፍለጋ ተጭኖ ሲጫወት ቡና በመልሶ ማጥቃት ወደ አዳማ ከተማ የግብ ክልል መድረስ ችለው ነበር፡፡ በዚህም 51ኛው ደቂቃ ላይ ሀና አበበ ቡና 2-0 መምራት የሚችልበትን ጎል አስቆጥራለች፡፡

ከጎሉ በኋላ ሙሉ ለሙሉ የአዳማ ከተማ የበላይነት የታየ ሲሆን ቀሪዎቹ 35 ደቂቃዎችም በቡና የሜዳ አጋማሽ ላይ አመዝኖ ተስተውሏል፡፡

በ60ኛው ደቂቃ ከማዕዘን የተሻማው ኳስ ሲመለስ አምበሏ ገነት ኃይሉ በቀጥታ መትታ በግሩም ሁኔታ ወደ ግብነት በመለወጥ አዳማን ወደ ጨዋታው መልሳዋለች፡፡ አዳማዎች ይበልጥ ጫና ማሳደራቸውን ቀጥለው በ85ኛው ደቂቃ በጨዋታው ጥሩ ስትንቀሳቀስ የነበረችው ቅድስት አባይነህ በቡና የግብ ክልል ውስጥ ናርዶስ ጌትነትን ጠልፋ በመጣሏ የተሰጠውን የፍጹም ቅጣት ምት ሴናፍ ዋቁማ አስቆጥራ አዳማን አቻ አድርጋለች፡፡ ፍጹም ቅጣት ምት ያስገኘችው ናርዶስ ግን ከባድ ጉዳት በማስተናገዷ ተቀይራ ወጥታለች፡፡

የጨዋታው መደበኛ ክፍለጊዜ መገባደጃ ላይ ከማዕዘን ምት የተሻማውን ኳስ በእለቱ ድንቅ የነበረችው አስካለ ገብረጻዲቅ በግምባሯ በመግጨት አዳማን ከተመሪነት ወደ አሸናፊነት ማሸጋገር ችላለች፡፡ አስካለ የገጨችው ኳስ ጥንካሬ በሴቶች እግርኳስ እምብዛም ያልተለመደና ግብ ጠባቂዋ ለመመለስ እድል ያልሰጠ ነበር፡፡

ምድብ ሀ

[table “231” not found /]

የሴቶች ፕሪሚየር ሊግ – ምድብ ሀ

#ክለብተጫአሸአቻተሸአስተቆልዩነጥብ
1312650103139083
2311741057362155
331158848321653
431133153147-1642
531118124247-541
6187472724325
71852111632-1617
81843112245-2315
91813141141-306
10180513847-395

ምድብ ለ

[table “239” not found /]

የሴቶች ፕሪሚየር ሊግ – ምድብ ለ

#ክለብተጫአሸአቻተሸአስተቆልዩነጥብ
131235370155574
231185866224459
331147103941-249
431137114240246
531128113437-344
6189272521429
71861111933-1419
81851123249-1716
91822141544-298
101821151354-417

3 thoughts on “ሴቶች ፕሪምየር ሊግ | ደደቢት በግብ ሲንበሸበሽ አዳማ 2-0 ከመመራት ተነስቶ አሸንፏል

  • March 7, 2017 at 8:17 am
    Permalink

    የኢትዮጵያ ንግድ ባንክ ከጌዲኦ ዲላ የሚያደርጉት ጨዋታ የት ነው? አበበ ቢቂላ ወይስ አዲስ አበባ?
    በትላንትናው እለትም የደደቢት ጨዋታ አምልጦነሰል ቦታው ስላላወቅን ቢሆንም ግን በአደማ ጨዋታ በጣም ተደንቀናል።
    ቦታውን ብራሳውቁን በጣም ጥሩ ነው በእውነቱ ከወንዶቹ በተሻለ ነው ዘና ፈታ የሚያደርጉን።
    ለእናንተ ያለን አድናቆት ለመግለፅ ቃላቶች የሉንም!

    • March 7, 2017 at 10:56 am
      Permalink

      08:00 እና 10፡00 ተብለው የተጻፉት አበበ ቢቂላ ላይ ሲደረጉ 09:00 እና 11:30 ተብለው የተፃፉት አአ ስታድየም ላይ ይከናወናሉ፡፡

      – ለሰጠኸን አስተያየት እና አድናቆት እናመሰግናለን፡፡ ወደፊት ፕሮግራም አጻጻፍ ላይ ማስተካከያ የምናደርግም ይሆናል፡፡

Leave a Reply