የአሰልጣኞች አስተያየት | አዲስ አበባ ከተማ 1-1 አርባምንጭ ከተማ

በ21ኛው ሳምንት የኢትዮጵያ ፕሪምየር ሊግ የመጀመሪያ ጨዋታ አዲስ አበባ ከተማ አርባምንጭ ከተማን አስተናግዶ 1-1 በሆነ ውጤት ተለያይቷል። ከጨዋታው መጠናቀቅ በኋላም የቡድኖቹ አሰልጣኞች አስተያየታቸውን እንደሚከተለው ሰጥተዋል።

አሰልጣኝ አስራት አባተ – አዲስ አበባ ከተማ

ስለጨዋታው

” ከእረፍት በፊት የኛ ልጆች ለጨዋታው የነበራቸው ከፍተኛ ስሜት ጉጉት ውስጥ ከቷቸው ነበር ። በተጨማሪም አርባምንጭ ኤሌክትሪክን አሸንፎም ስለመጣ ተረጋግቶ ነበር የሚጫወተው ። በዚህም ብልጫ ወስደውብናል ። ከእረፍት በኋላ ግን የተወሰደብንን ብልጫ በማስተካከል የጎል ዕድሎችን ፈጥረናል ። የተሻለም መንቀሳቀስ ችለናል ። ”

ቡድኑ ውጤት ማስጠበቅ ስላለመቻሉ

” ያለንበት ደረጃ ዝቅተኛ መሆኑ ለማሸነፍ ምናደርገውን ጥረት በጫና የተሞላ አድርጎታል ። ተጨዋቾችንም ወጣቶች ናቸው ። ተጋጣሚያችንም ከኛ በተሻለ የተረጋጋ ደረጃ ላይ የሚገኝ ቡድን ነበር ። በጫና ውስጥ ያሉ ቡድኖች እና ከጫና ነፃ የሆኑ ቡድኖች ሲገናኙ ይሚፈጠር ነው ። ያም ሆኖ ተጨዋቾችን ቀይረን የተሻለ የግብ ዕድሎችን ለመፍጠር ሞክረናል ። ”

ቡድኑ የመሀል ሜዳ የበላይነት ተወስዶበትም በሁለት አጥቂዎች ስለመጠቀሙ

” አርባምንጭ ባሰብነው አይነት ቅርፅ ነው የገጠመን ። ከእረፍት በፊትም አርባምንጭ የኳስ ቁጥጥር የበላይነት የወሰደው በተረጋጋ መንገድ ለጨዋታው በመቅረቡ ነው ። እኛ ካለንበት ደረጃ ለመውጣት ግቦችን ለማስቆጠር በርካታ አጥቂዎችን መጠቀም እና በማጥቃት ላይ የተመሰረተ ጨዋታን መጫወት ይጠበቅብናል ። አጥቂ ከቀነስን ግን ጨዋታችን ኳሱ ላይ ብቻ የተመሰረተ ይሆናል። ”

 አሰልጣኝ ጳውሎስ ፀጋዬ – አርባምንጭ ከተማ

ስለጨዋታው

” የጨዋታውን 90 ደቂቃ በበላይነት ነበር ያጠናቀቅነው ። ሆኖም ግን ያገኘናቸውን ብዙ አጋጣሚዎች መጠቀም አልቻልንም ። ትልቁ ችግራችን ይህ ነበር ። ጨዋታውን በርግጠኝነት ለማሸነፍ አስበን ነበር የመጣነው ። ሆኖም ኳሶችን ማባከናችን ጎድቶናል ። ”

ስለ ጨዋታ መደራረብ

” ፌዴሬሽኑን በጣም ነው የምኮንንነው። ምክንያቱም ክለቦችን በዕኩል ዐይን እያየ አይደለም። ረቡዕ ተጫውተን ቅዳሜ እንድንጫወት መደረጋችን ተገቢ አይደለም ። ከኛ ጋር የተጫወቱ ሌሎች ቡድኖች ሰኞ ነው ሚጫወቱት ። ስለዚህ ፌዴሬሽኑ እየሰራ ያለው ነገር እና የፕሮግራም አውጣጡ ለኔ አልተመቸኝም ።

የወንድሜነህ ዘሪሁን እና የምንተስኖት አበራ ተጠባባቂ መሆን

” በአጨዋወት ደረጃ ከ 4- 2- 3- 1 ወደ 4- 4- 2 መጥተናል ዋናው ምክንያት ይህ ነው ። ከዛ በተጨማሪ ተከታታይ ጨዋታዎችን እያደረግን በመሆኑም ድካሞች አሉ ከዛ ከዛ የተነሳ ነው ። ”

በመጀመሪያው ግማሽ ቡድኑ ወደማጥቃት ሲሸጋገር ዝግ ያለ ስለመሆኑ

“እረፍት ሰዐት ላይ ስለዚህ ጉዳይ ተነጋግረናል። ጥሩ እንጫወታለን። ወደ ማጥቃት ክልል ውስጥ ስንገባ ግን በጣም እንቸኩላለን። ኳሶችን ተረጋግተን በመቀባበል መግባት ሳንችል ቀርተናል ። ይህንንም ወደፊት ለማሻሻል ጥረት እናደርጋለን። “

ዮናታን ሙሉጌታ
Follow Me

ዮናታን ሙሉጌታ

Editor at Soccer Ethiopia
ይህንን ፅሁፍ ያቀረብኩላችሁ ዮናታን ሙሉጌታ ነኝ

ከፎቶው በታች ያለው የፌስቡክ እና ትዊተር ምልክትን ተጭነው ሊያገኙኝ ይችላሉ
ዮናታን ሙሉጌታ
Follow Me

ዮናታን ሙሉጌታ

ይህንን ፅሁፍ ያቀረብኩላችሁ ዮናታን ሙሉጌታ ነኝ ከፎቶው በታች ያለው የፌስቡክ እና ትዊተር ምልክትን ተጭነው ሊያገኙኝ ይችላሉ

One thought on “የአሰልጣኞች አስተያየት | አዲስ አበባ ከተማ 1-1 አርባምንጭ ከተማ

  • April 2, 2017 at 11:26 am
    Permalink

    “” ፌዴሬሽኑን በጣም ነው የምኮንንነው። ምክንያቱም ክለቦችን በዕኩል ዐይን እያየ አይደለም። ረቡዕ ተጫውተን ቅዳሜ እንድንጫወት መደረጋችን ተገቢ አይደለም ። ከኛ ጋር የተጫወቱ ሌሎች ቡድኖች ሰኞ ነው ሚጫወቱት ። ስለዚህ ፌዴሬሽኑ እየሰራ ያለው ነገር እና የፕሮግራም አውጣጡ ለኔ አልተመቸኝም ።” this is also my question?

    Reply

Leave a Reply

Your email address will not be published. Required fields are marked *