ከፍተኛ ሊግ ምድብ ሀ ፡ መሪዎቹ ወልዋሎ እና መቐለ ከተማ ድል ሲያስመዝግቡ ባህር ዳር ከተማ ነጥብ ጥሏል

የኢትዮጵያ ከፍተኛ ሊግ ምድብ ሀ 19ኛ ሳምንት ጨዋታዎች ረቡዕ ሲደረጉ የምድቡ መሪዎች ከተከታዮቻቸው ያላቸውን ልየነት ያሰፉበትን ድል አስመዝግበዋል፡፡

በዚህ ሳምንት ከተደረጉት 8 ጨዋታዎች ውስጥ 3ቱ ያለምንም ግብ ሲጠናቀቁ 13 ግቦች ብቻ ተስተናግደዋል። በሜዳው አዲስ አበባ ፖሊስን የገጠመው የምድቡ መሪ ወልዋሎ አዲግራት ዩኒቨርሲቲ 3-0 ውጤት አሸንፏል። ለወልዋሎ አዲግራት ዩኒቨርሲቲ ሀይሌ ፀጋዪ፣ አዲሱ ፈራሚ ቴድሮስ መንገሻ እና ከድር ሳላ ጎሎችን ያስቆጥሩ ተጨዋቾች ናቸው፡፡

በሌላ ተጠባቂ ጨዋታ ከወልዋሎ በአንድ ነጥብ አንሶ የሚገኘው መቐለ ከተማ አራዳ ክፍለ ከተማን መቐለ ዩኒቨርሰቲ ሜዳ ላይ አስተናግዶ 3-0 በሆነ ውጤት አሸንፏል፡፡ የመቐለን የድል ግቦች ያሬድ ከበደ አንድ ፣ ጌድዮን ታደሰ ሁለት አስቆጥረዋል፡፡

በደረጃ ሰንጠረዡ 3ኛ የሚገኘው ባህር ዳር ከተማ ወደ አዲስ አበባ ተጉዞ ያለ ግብ አቻ በመለያየት ነጥብ ተጋርቶ ተመልሷል፡፡ በጨዎታው በርካታ ለግብ የቀረቡ ሙከራዋች የተደረጉ ቢሆንም ወደ ግብነት መለወጥ ሳይችሉ ቀርተዋል፡፡ በተለይ የባህር ዳር ከተማው ኤርምያስ ዳንኤል ሁለት ጊዜ ከግብ ጠባቂው ጋር አንድ ለአንድ ተገናኝቶ የግቡ አግዳሚ የመለሰበት ሙከራዎች የሚስቆጩ ነበሩ፡፡

በሌሎች ጨዎታዋች ሰበታ ከተማ ከ አማራ ውሃ ስራ፤ ቡራዩ ከተማ ከ ለገጣፎ ለገዳዲ ያለምንም ጎል ተጠቀዋል፡፡ ኢትዮ መድን አዲስ አበባ ላይ አክሱም ከተማን አስተናግዶ 2-1 በሆነ ውጤት ሲያሸንፍ ወሎ ኮምበልቻ ከ ሰሜን ሸዋ ደብር ብርሃን ያገናኘው ጨዋታ በወሎ ኮምበልቻ 3-0 አሸናፊነት ተጠናቋል፡፡

ውጤቶቹ በደረጃ ሰንጠረዡ አናት ላይ ለውጥ ያላስከተሉ ቢሆንም ወልዋሎ አዲግራት ዩኒቨርስቲ 40 መቐለ ከተማ 39 ነጥቦች በመሰብሰብ ከተከታዮቻቸው መራቅ ችለዋል፡፡

አምሀ ተስፋዬ

አምሀ ተስፋዬ

ይህን ፅሁፍ ያቀረብኩላችሁ አምሃ ተስፋዬ ነኝ፡፡ ከፎቶው በታች ያለው የፌስቡክ ምልክት ተጭነው ሊያገኙኝ ይችላሉ
አምሀ ተስፋዬ

አምሀ ተስፋዬ

ይህን ፅሁፍ ያቀረብኩላችሁ አምሃ ተስፋዬ ነኝ፡፡ ከፎቶው በታች ያለው የፌስቡክ ምልክት ተጭነው ሊያገኙኝ ይችላሉ

2 thoughts on “ከፍተኛ ሊግ ምድብ ሀ ፡ መሪዎቹ ወልዋሎ እና መቐለ ከተማ ድል ሲያስመዝግቡ ባህር ዳር ከተማ ነጥብ ጥሏል

  • April 20, 2017 at 8:08 pm
    Permalink

    hello every one are you fine??? i am dawit obnga from wsu
    yesterday wolaita dicha is controled whole the game to awasa
    kenema shows very weak activet in the studium

    Reply

Leave a Reply

Your email address will not be published. Required fields are marked *