የጨዋታ ሪፖርት | ወላይታ ድቻ ከወራጅ ቀጠናው የሚርቅበትን እድል ሳይጠቀምበት ቀርቷል

 

በ27ኛው ሳምንት የኢትዮጵያ ፕሪምየር ሊግ የመጨረሻ ጨዋታ ዛሬ አዲስ አበባ ስታዲየም ላይ ሲደረግ አዲስ አበባ ከተማ ወላይታ ድቻን አስተናግዶ ያለግብ አቻ ተለያይቷል፡፡ አዲስ አበባ ከተማ ዘንድሮ የተቀላቀለውን ፕሪምየር ሊግ ለመሰናበት ከጫፍ የደረሰ ሲሆን ወላይታ ድቻ ከወራጅ ቀጠና የሚያመልጥበትን ወርቃማ እድል ሳይጠቀምበት ቀርቷል፡፡

አዲስ አበባ ከተማ ሃይሌ እሸቱን እና ፍቃዱ አለሙን በፊት አጥቂነት እንዲሁም ኤፍሬም ቀሬን በአጥቂ አማካይነት አሰልፎ ወደ ሜዳ ሲገባ ድቻ ዳግም በቀለን በፊት አጥቂነት አሰልፎ ጨዋታውን ጀምሯል፡፡

በመጀመሪያው አጋማሽ ሁለቱም ክለቦች በአጭሩ የሚቆረጥ የኳስ ቅብብሎች እና ሳቢ ያልሆነ የኳስ ፍሰት ታይቶበታል፡፡ ይህንን አጋማሽ ይበልጥ አሰልቺ ያደረገው የጠሩ የግብ ማግባት እድሎችን እና ሙከራዎችን ሁለቱም ቡድኖች ሲፈጥሩ አለመታየቱ ነበር፡፡ በተለይ ባለሜዳው አዲስ አበባ ከተማ በዚህኛው የጨዋታ ክፍለ ግዜ ኢላማውን የጠበቀ አንድም ሙከራ ማድረግ አልቻለም፡፡ በአንፃሩ ድቻውች በ6ኛው ደቂቃ አማካዩ ዮሴፍ ደንገቱ በግንባሩ የገጨውን ኳስ ደረጄ አለሙ በ6ኛው ደቂቃ የያዘበት እንዲሁም በ30ኛው ደቂቃ ከማዕዘን የተሻገረውን አሁንም ዮሴፍ ገጭቶ ወደ ውጪ የወጣበት ሙከራዎች በድቻ በኩል ይጠቃሳል፡፡ በዛብህ መለዮ በመመሪያው አጋማሽ ግብ ቢያስቆጥርም ከጨዋታ ውጪ በማለት የእለቱ አርቢትር ጨዋታውን አስቀጥለዋል፡፡

በሁለተኛው አጋማሽ ሁለቱም ክለቦች የተሻለ ፉክክር እና በርካታ የግብ ሙከራዎችን አሳይተዋል፡፡ በተለይ ከሶዶ በመጡ ደጋፊዎቻቸው ድጋፍ ታጅበው የተጫወቱት ድቻዎች በተደጋጋሚ የፈጠሯቸውን የግብ እድሎች መጠቀም ሲቸገሩ ተስተውሏል፡፡ በ67ኛው ደቂቃ በሳጥኑ ውስጥ የነበረው ዳግም ያገኘውን ግልፅ የማግባት እድል ኳስ በግቡ አናት በመስደዱ ሳይጠቀምበት ቀርቷል፡፡ ከሁለት ደቂቃ በኃላ በሌላኛው የግብ ክልል አሊ አያና በግሩም ሁኔታ በቮሊ የመታውን ጠንካራ ኳስ ወንድወሰን ገረመው አምክኖበታል፡፡ ዳዊት ማሞ በ70ኛው ደቂቃ የመታውን ኳስ አሁንም ወንድወሰን ይዞበታል፡፡  በ72ኛው ደቂቃ የቀኝ መስመር ተከላካዩ ፈቱዲን ጀማል የሞከረው ኳስ የግቡ ቋሚ ሲመልስበት ከስድስት ደቂቃዎች በኃላም እንዲሁ የመታው ኳስ የግብ አግዳሚ መልሶበታል፡፡ የጨዋታው መገባደጃ ላይ በሁለተኛው አጋማሽ ተቀይሮ ወደ ሜዳ የገባው አላዛር ፋሲካ በግንባሩ የገጨው ኳስ ወደ ውጪ ሲወጣ አዲስ አበባን ሙሉ ሶስት ነጥብ ልታስገኝ የነበረች እድል አቤል ዘውዱ አግኝቶ ወንድወሰን አምክኖበት ጨዋታው ያለምንም ግብ በአቻ ውጤት ተጠናቅቋል፡፡

ውጤቱን ተከትሎ ወላይታ ድቻ በ30 ነጥብ ደረጃውን ወደ 11ኛ ሲያሳድግ ለመውረድ እጅግ በጣም የቀረበው አዲስ አበባ ከተማ በ20 ነጥብ የሊጉን ግርጌ ይዞ ይገኛል፡፡

Omna Taddele

This article is written by Omna Taddele.

You can contact him by clicking on the Twitter icon under the photo.

2 thoughts on “የጨዋታ ሪፖርት | ወላይታ ድቻ ከወራጅ ቀጠናው የሚርቅበትን እድል ሳይጠቀምበት ቀርቷል

  • May 9, 2017 at 7:18 pm
    Permalink

    Thank you Amona for your report.Yesterday game was not the first game while referees cancel scored goals of Wolita Dicha Football club. I can mention more than three incidents that referees cancelled scored and appropriate goals of the club. To mention some of them
    1. Wolaita Dicha Vs Addis Ababa city at Wolita Soddo stadium,
    2. Woldiya Vs Woliata Dicha at Ali Aladdin Stadium,
    3. Addis Ababa city Vs Wolita Dicha at AA stadium and—- so on.
    Some of the referees that Ethiopian Football federation allot to lead primer league matches are deliberately executing their hidden agendas to send Wolaita Dicha FC club to the second league, however it will never ever relegate to the lower league. It is public owned club which can win both its opponent clubs as well as inefficient referees. That is why referees discourage the club as, it is not bribing them just like as those clubs which have firm financial capacity. Dillllllllll Le Wolaita Dicah FC!!!!!
    Thank you,

    Reply
    • May 10, 2017 at 10:33 am
      Permalink

      I like to appreciate the way you express different scenarios
      Congratulation Mr Dessalegn

      Reply

Leave a Reply

Your email address will not be published. Required fields are marked *