ቅዱስ ጊዮርጊስ በአፍሪካ የክለቦች እግርኳስ ውድድር አዲስ ታሪክ አስመዝግቧል

በ2017ቱ የቶታል አፍሪካ ቻምፒዮንስ ሊግ የምድብ ውድድር በመሳተፍ ላይ የሚገኘው ቅዱስ ጊዮርጊስ ባሳለፍነው ሳምንት መጨረሻ የኮንጎውን ኤ ኤስ ቪታ በአዲስ አበባ ስታዲየም አስተናግዶ በሳላህዲን ሰዒድ የ60ኛ ደቂቃ ግብ 1 – 0 ካሸነፈ በኋላ በውድድሩ ታሪክ በ7 ተከታታይ ጨዋታዎች ግብ ያላስተናገደ የመጀመሪያው ክለብ በመሆን አዲስ ታሪክ ማስመዝገብ ችሏል።

የአፍሪካ ቻምፒዮንስ ሊግ እ.ኤ.አ. በ1997 በአዲስ መልክ ከተጀመረ በኋላ ዘንድሮ ለ21ኛ ጊዜ እየተደረገ ሲሆን በተከታታይ ጨዋታዎች ግብ ያለማስተናገድ ሪከርዱም በግብፁ ሃያል ክለብ ዛማሌክ የተያዘ ነበር። በ2014ቱ ውድድር ዛማሌክ በቅድመ ማጣሪያው የኒጀሩ ኤኤስ ዱዋኔስ ኒያሜይን 2-0 እና 1-0፣ በመጀመሪያው ዙር የአንጎላው ካቡስኮርፕን 0-0 እና 1-0፣ እንዲሁም በሁለተኛው ዙር የዛምቢያውን ንካና 0-0 እና 5-0 በማሸነፍ በድምር ውጤት የምድብ ውድድሩን በተቀላቀለበት የ6 ጨዋታ የማጣሪያ ጉዞ ግብ ሳይቆጠርበት በመዝለቅ ያስመዘገበው ሪከርድ ዘንድሮ በቅዱስ ጊዮርጊስ ተሻሽሏል።

ቅዱስ ጊዮርጊስ በ2017ቱ የቶታል ቻምፒዮንስ ሊግ ቅድመ ማጣሪያ የሲሼልሱን ኮት ድ ኦር በድምር ውጤት 5-0 (0-2 እና 3-0)፣ በመጀመሪያው ዙር ማጣሪያ የኮንጎ ብራዛቪሉን ኤሲ ሊዮፓርድስ በአጠቃላይ 3-0 (0-1 እና 2-0) ሲያሸንፍ በምድብ ውድድሩ የመጀመሪያ 3 ጨዋታዎች ከማሜሎዲ ሰንዳውንስ እና ኤስፔራንስ ደ ቱኒስ ጋር 0-0 ተለያይቶ የኮንጎውን ኤ ኤስ ቪታ ደግሞ 1-0 አሸንፏል። በእነዚህ 7 ጨዋታዎች ላይ መረባቸውን ያላስደፈሩት ፈረሰኞቹ እና በተመሳሳይ ዘንድሮ (በ5 ጨዋታዎች) ግብ ያላስተናገደው የግብፁ ክለብ አል አህሊ ጠንካራ የተከላካይ መስመር ባለቤት መሆናቸውን እያስመሰከሩ ይገኛሉ።

ዪጋንዳዊው የቅዱስ ጊዮርጊስ ግብ ጠባቂ ሮበርት ኦዶንካራ በተከታታይ ጨዋታዎች ግብ ያላስተናገደ ግብ ጠባቂ ሪከርድን ከዛማሌኩ አብደልዋሂድ ኤል ሳይድ መረከብ የሚችልበት ዕድል የነበረው ቢሆንም ቅዱስ ጊዮርጊስ ከኤስፔራንስን ጋር ባደረገው የምድቡ ሁለተኛ ጨዋታ የመጀመሪያ ደቂቃዎች ላይ ባጋጠመው የጉልበት ጉዳት ተቀይሮ መውጣቱ አጋጣሚውን እንዲያጣ አድርጎታል።

ፈረሰኞቹ ዘንድሮ እያሳዩ በሚገኙት አስደናቂ ግስጋሴ በመቀጠል የምድብ ጨዋታዎችን በሙሉ ሳይሸነፉ የሚያጠናቅቁ ከሆነም ከዚህ በፊት 8 ክለቦች ብቻ የደረሱበትን ስኬት ማስመዝገብ ይችላሉ። የጋናው ኸርትስ ኦፍ ኦክ፣ የቱኒዚያዎቹ ኤስፔራንስ እና ኤቱዋል ደ ሳህል፣ የግበፁ አል አህሊ፣ የኮትዲቯሩ ኤኤስኢሲ ሚሞሳስ፣ የናይጄሪያው ኢንያምባ እና የአልጄሪያዎቹ ኢ ኤስ ሴቲፍ እና ጄኤስ ካቢልዬ በውድድሩ ታሪክ ምድባቸውን ሳይሸነፉ ማጠናቀቅ የቻሉ ብቸኛ ክለቦች ናቸው።

የአፍሪካ ቻምፒዮንስ ሊግ ቀጣይ ጨዋታዎች ሰኔ 13 እና 14 ሲደረጉ ቅዱስ ጊዮርጊስ ወደ ኪንሻሳ በመጓዝ የኮንጎውን ኤኤስ ቪታ የሚገጥም ይሆናል። በሌላው የምድቡ ጨዋታም መሪው ኤስፔራንስ ከአምናው ሻምፒዮን ማሜሎዲ ሰንዳውንስ ጋር በቱኒስ የሚያደርጉት ፍልሚያ ትልቅ ግምት ተሰጥቶታል።

Samuel Yeshiwas

This article is written by Samuel Yeshiwas.

You can contact him by clicking on the Facebook and Twitter icons under the photo.

One thought on “ቅዱስ ጊዮርጊስ በአፍሪካ የክለቦች እግርኳስ ውድድር አዲስ ታሪክ አስመዝግቧል

  • June 9, 2017 at 11:48 am
    Permalink

    Soccer ethiopiawoch lemtsetun wektawina besal mereja keleb eyamesegenku 1 lezare weyem beketaye gize endtweyayubet hasab mestet efelgalehu. Yekiduse giorgis degafi negn giorgis kezih kedemu betam beteshale bewchi wededer siketen eyasemezegebe yigegnal honom eyetemezegebe yalewen wetet teketlo eyetesete Yalew yemidia shifan gen betamun asafari new lepremier league enkuan yemisetewen yahel shifan ayhonem yeh meknyatu mindnew? Kezih kedem kilebochachen kehager wechi yemyametut wetet dekama new eyalen bizu sinel koyen ahun demo endih aynetu yeteshale wetet simezegeb tegebiwen shifanena kiber lemestet lemen techegeren? Keendih aynetu melkamena bego jimroch temokrowochen bemewesed bizu matref aychalemene? Kilebunese yibelt bewtetamanetu endiketel bemaberetat lehagerachen eger kuas menekakat andach aberkto madreg aytebekbnem? Kezih befit yihen club bezih dereja yalew wetetamanet bewnet keand gazetegna bemaytebek melku zek adrgen sinawera alneberemene ahun wetetu simeta lemaberetatat tegebiwen shifanena tikuret lemestet media men yazew? Zendro leyu lehonew asgeramiwe degafise tegebiwen kebrena shifan lemestet media men yazew? Yemisemar Teran blom mulu stadium eyekeretsu weder alba degafi eyalu syadenekurun yeneberu gazetegnochachen yihew zare ejeg berkata behonena chewanet betemolawe dibab ye stadium webet silehonut drgafiwochachen lemaweratena bekamerachew enkuan yanen yemesele asgerami debab yizew lemaskeret men yazachew? Le Eger kuasu edget endene Emnet ke meda lay enkiskase betechemari kemeda wechim netsana geleltegna (ke club degafinet simet) netsa yehone media yasfelgal bay negn. Long live for my beloved team st George

    Reply

Leave a Reply

Your email address will not be published. Required fields are marked *