ጋሞ ጨንቻዎች ናይጄርያዊ ተጫዋች አስፈረሙ

አዲስ አዳጊዎቹ የውጭ ሀገር ዜግነት ያለውን የአማካይ ስፍራ ተጫዋች ወደ ስብስባቸው ቀላቅለዋል

ወደ 2019 የኢትዮጵያ ፕሪሚየር ሊግ በታሪክ ለመጀመሪያ ጊዜ ያደጉት ጋሞ ጨንቻዎች ስብስባቸውን በልምድ እና በጥራት ለማጠናከር በዝውውር ገበያው እየተንቀሳቀሱ ይገኛሉ። በዚሁ ሂደት ክለቡ የናይጄሪያዊውን ሁለገብ አማካይ ቤሎ ማርቲንስን ዝውውር በይፋ አረጋግጧል።

ከዚህ ቀደም በተለያዩ የናይጄሪያ ክለቦች ማለትም ሰንሻይን ስታርስ፣ አክዋ ዩናይትድ፣ ሪሞ ስታርስ እና ሪቨርስ ዩናይትድ ተጫውቶ ያሳለፈው ቤሎ ማርቲንስ በግብፅ ፕሪሚየር ሊግ ለሞደርን ፊውቸር ኤፍሲም መጫወት መቻሉ ይታወቃል። በናይጄሪያ ከ20 ዓመት በታች ብሔራዊ ቡድን ውስጥ ተጫዋች የነበረው ማርቲንስ በግብፅ ስኬታማ ጊዜያትን አሳልፏል። አሁን ደግሞ ጋሞ ጨንቻዎችን በመቀላቀል ለቡድኑ የአማካይ ክፍል ተጨማሪ ጥንካሬ እና የመከላከል አቅም እንደሚፈጥር ተስፋ ተጥሎበታል።