የኢትዮጵያ ብሔራዊ ቡድን ከሩዋንዳ የውድድር ግብዣ ቀረበለት

የኢትዮጵያ ብሔራዊ ቡድን እ.ኤ.አ. በ1994 በሩዋንዳ ቱትሲ ህዝቦች ላይ የተደረገው የዘር ማጥፋት ሰለባዎችን ለማስታወስ በሚደረገው የመታሰቢያ ውድድር እንዲሳተፍ ጥሪ ቀርቦለታል።

የሩዋንዳ እግርኳስ ፌዴሬሽን ይህንን የመታሰቢያ ውድድር እ.ኤ.አ. በ2015 ለመጀመሪያ ጊዜ ያደረገ ሲሆን በውድድሩም ሩዋንዳ፣ ኬንያ፣ ደቡብ ሱዳን እና ታንዛኒያ ተሳታፊዎች ነበሩ። የዘንድሮ ውድድር ከግንቦት 24 እስከ 27 ድረስ በኪጋሊ የሚደረግ ሲሆን ፌዴሬሽኑም ለ13 የአፍሪካ ሃገራት ጥሪ በማድረግ የተሳትፎ ማረጋገጫ መልስ እየተጠባበቀ ይገኛል። በውድድሩ እንዲሳተፉ ጥሪ የቀረበላቸውም ሃገራት ሞሮኮ፣ ጊኒ፣ ኢኳቶሪያል ጊኒ፣ ቶጎ፣ ኮንጎ ብራዛቪል፣ ሊብያ፣ ቡርኪናፋሶ፣ ኢትዮጵያ፣ ጋቦን፣ ላይቤሪያ፣ ጋና፣ ኬንያ እና ናይጄሪያ ናቸው።

ዘንድሮ ካለፈው ጊዜ በተለየ በውድድሩ ለመሳተፍ ወደ ሩዋንዳ የሚመጡ ቡድኖች ወጪያቸውን ሙሉ በሙሉ በራሳቸው መሸፈን እንደሚኖርባቸውም ፌዴሬሽኑ አስታውቋል።

ሩዋንዳ ውድድሩን በዘር ማጥፋቱ ህይወታቸውን ያጡ ዜጎችን ከማስታወስ በተጨማሪ በ2019ኙ የአፍሪካ ዋንጫ ማጣሪያ ከመካከለኛው አፍሪካ ሪፐብሊክ ጋር ባንጉይ ላይ ለምታደርገው ጨዋታ ዝግጅት የምትጠቀመው ይሆናል።

በውድድር ግብዣው ዙርያ የኢትዮጵያ እግርኳስ ፌዴሬሽን ያለው ነገር ባይኖርም መርሀግብሩ ግንቦት 26 ቀን አዲስ አበባ ላይ ለማድረግ ቀጠሮ ከተያዘለት የኢትዮጵያ እና ዩጋንዳ ብሔራዊ ቡድኖች የወዳጅነት ጨዋታ የሚጋጭ በመሆኑ ጥያቄውን ተቀብሎ በውድድሩ ላይ የመሳተፍ ዕድሉ ጠባብ ይመስላል።

Samuel Yeshiwas

This article is written by Samuel Yeshiwas.

You can contact him by clicking on the Facebook and Twitter icons under the photo.

One thought on “የኢትዮጵያ ብሔራዊ ቡድን ከሩዋንዳ የውድድር ግብዣ ቀረበለት

  • May 13, 2017 at 4:55 pm
    Permalink

    ethiopia weste eger koas ayasfelegem.mikiniyatum hulem wancha yemezegajew le Giorgi’s bicha New.beyet hager New 3 chaweta eyekere be temesasaye seat chewata yemederegew wesha yehone federation.weyem ye Addis abeba kileboch endaywerdu tasebo yemeta ekid new. Wesha federation

    Reply

Leave a Reply

Your email address will not be published. Required fields are marked *