ከፍተኛ ሊግ | በሁለቱም ምድብ መሪዎቹ ክለቦች ነጥብ ጥለዋል

የኢትዮጵያ ከፍተኛ ሊግ 15ኛ ሳምንት ጨዋታዎች ቅዳሜ እና እሁድ ተደርገው በየምድቦቹ አናት ላይ የሚገኙት ክለቦች ወሳኝ ነጥበች ጥለው ወጥተዋል፡፡

ምድብ ሀ

በዚህ ምድብ መሪዎቹ ክለቦች ነጥብ መጣላቸውን ተከትሎ ተከታዮቻቸው ልዩነታቸውን ለማጥበብ ምቱ አጋጣሚ ቢያገኙም ሳይጠቀሙበት ቀርዋል፡፡

ቅዳሜ በ08:00 አ.አ ፓሊስ እና ኢትዮጵያ መድን ያደረጉት ጨዋታ በአቻ ውጤት ተጠናቋል። ቀዳሚውን ጎል ያስቆጠረው አ.አ ፓሊስ ሲሆን  ኤልያስ መንግስቱ በግሩም ሁኔታ የተጋጣሚውን ተከላካዮች አልፎ የሰጠውን ኳስ ይርጋለም ማሞ ወደ ጎልነት ለወጦታል፡፡ በሻምበል መላኩ አብርሃ የሚመሩት መድኖች የአቻኘት ግብ ለማግኘት የመጨረሻው የጨዋታው ደቂቃ ድረስ ለመጠበቅ ተገደዋል፡፡  ብሩክ ጌታቸው አክርሮ የመታውን ኳስ ግብ ጠባቂው ጨርፎት ከአግዳሚው ጋር ተጋጭቶ ወደ መሬት ሲነጥር የአአ ፖሊስ ተጫዋች ቢያወጣትም የግቧን መስመር አልፋ ነበር በሚል የመድን የአቻነት ጎል ሆና ተመዝግባለች፡፡ ከግቧ እና ከጨዋታው ፍፃሜ በኋላ አአ ፖሊሶች የግቡ መፅደቅ አግባብ አይደለም በሚል ተቃውሟቸውን ገልጸዋል፡፡

በቀጣይ አራዳ ክፍለ ከተማ እና ኢትዮ. ውሃ ስፖርትን ያገናኘው የ10:00 ጨዋታ በአራዳ 2-1 አሸናፊነት ተጠናቆል።  ጨዋታው በተጀመረ ገና 57 ሰኮንድ እንዳስቆጠረ አራዳን መሪ ያደረገችዉን ጎል በእስራኤል ፍቅሩ ያገኘ ሲሆን  በ18ኛው ደቂቃ አብዱልለጢፍ የአራዳን መሪነት ወደ ሁለት ከፍ አድርጓል፡፡ በማራኪ የኳስ ፍሰት የሚታወቁት ውሃ ስፖርቶች ወደ ጨዋታው ለመመለስ ጥረት ቢያደርጉም ሳይሳካላቸው ቀርቷል፡፡ በ52ኛው ደቂቃ ቀፀላ ፍቅረማርያም ላይ በተሰራው ጥፋት የተገኘውን ፍፁም ቅጣት ምት ክብረአብ ማቱሳላ ወደ ጎልነት ቀይሮታል፡፡

እሁድ አዲግራት ላይ በትግራይ ደርቢ ወልዋሎ አዲግራት ዩኒቨርሲቲ እና መቀለ ከተማ ተገናኝተው ጨዋታቸውን ያለ ግብ በአቻ ውጤት ፈፅመዋል፡፡ የአቻ ውጤቱ ሁለቱም በደረጃ ሰንጠረዡ አናት እንደመገኘታቸው መልካም የሚባል ባይሆንም የተከታዮቻቸው ነጥብ መጣል ልዩነታቸውን ማስጠበቅ እንዲችሉ አድርጓቸዋል፡፡

ለገጣፎ ላይ በ10፡00 ባህርዳርን ያስተናገደው ለገጣፎ ለገዳዲ 2-1 አሸንፏል፡፡ የሁለቱ ጨዋታ ከወጣለት መርሀ ግብር ለአንድ ሰዓት ዘግይቶ የተጀመረ ሲሆን ይህም የባህርዳር ከተማ መሪዎችና ደጋፊዎችን ቅር አሰኝቷል። በደማቅ የደጋፊ ድጋፍ የተጀመረው ጨዋታ ብዙ ትእይንቶች የታዩበትም ጭምር ነበር፡፡ በመጀመሪያው 20 ደቂቃ ተጭነው ሲጫወቱ የነበሩት ባህርዳሮች መሪ የምታደርጋቸውን ጎል በኪዳኔ ተስፋዬ አማካይነት አግኝተዋል፡፡ ነገር ግን በያሬድ ቶሌራ የሚመሩት ለገጣፎዎች በመመራታቸው ጫና ውስጥ ሳይገቡ በ32ኛው ደቂቃ በልደቱ ለማ አማካኝነት አቻ ሆነዋል፡፡ ከ4 ደቂቃዎች በኋላ ደግሞ ሳዲቅ ተማም በግሩም ሁኔታ የተሻገረለትን ኳስ ወደ ግብነት ቀይሮት ለገጣፎን ወደ ድለ ልመርቶታል፡፡

ለገጣፎዎች በጨዋታው ለረጅም ደቂቃዎች ተጎድቶ ሜዳ ላይ ህክምና ላይ የነበረውን የባህርዳር ግብ ጠባቂ ለመርዳት ያደረጉት ርብርብ ይሁን የሚስብል ነበር፡፡ በተለይም አስልጣኝ ያሬድ ቶሌራ እና ወጌሻው ፍቃዱ ገብሩ ሲያደርጉት የነበሩት እገዛ በሁሉም ዘንድ መለመድ የሚገባው ተግባር ነው፡፡

በደጋፊ ታጅበው የመጡት ባህርዳር ከተማዎች ውጤቱን ተከትሎ በራሳቸው ተጫዋቾች እና በዳኞች ላይ ስሜታዊነት የሚታይበት ተቃውሞውቸውን ሲገልፁ ተስተውሏል፡፡ ይህን መሳይ ድርጊት የክለቡ የበላይ አመራሮች በአትኩሮት ቢመለከቱት ጥሩ ነው።

ሽረ ላይ ሽረ እንዳስላሴ ወሎን ኮምቦልቻን አስተናግዶ 1-0 አሸንፏል። በዚህ ጨዎታ ላይ ፍፁም ደስተኛ ያልነበሩት የወሎ ኮምበልቻ አመራሮች ቅሬታቸውን ለሶከር ኢትዮጵያ ገልፀዋል። “ለዕረፍት በምንወጣበት ጌዜ የሽረ እንድስላሴ ምክትል አሰልጣኝ እና የእኛ ግብ ጠባቂ ሀይለ ቃል ተለወጠው ነበር፡፡ ነገር ግን ነገሩ ወዲያውኑ ረግቦ እኛም የራሳችንን ልጅ መክረን ከዕረፍት ስንመልስ ዳኛው ጨዎታውን ከማስጀመሩ በፊት የሽረ ምክትል አሰልጣኝ እና የእኛን ግብ ጠባቂ በቀይ ካርድ አሰናብቷል” ሲሉ የዳኝነት ውሳኔው እንዳላስደሰታቸው ገልጸዋል።

በሌሎች ጨዋታዎች አክሱም ከተማ ሰሜን ሸዋ ደብረብርሃንን አስተናግዶ 2-1 ፣ ሰበታ ላይ ሰበታ ከተማ ቡራዩን 1-0 አሸንፈዋል፡፡ የሱሉልታ ከተማ እና ቡራዩ ከተማ ጨዋታ ደግሞ ያለ ግብ ተጠናቋል፡፡


ከፍተኛ ሊግ ምድብ ሀ

#ክለብተጫአሸአቻተሸአስተቆልዩነጥብ
124139233112248
223137332181446
32411852118341
42310941911839
5248142169738
62481152419535
72461352318531
82471072124-331
92461261112-130
10247891516-129
112461082924528
122461081721-428
132576122127-627
14አራዳ ክ.ከ.2448121733-1620
15አዲስ አበባ ፖሊስ2554161733-1619
16ሰሜን ሸዋ ደብረብርሃን2427151335-2213

ምድብ ለ

እንደ ምድብ ሀ ሁሉ በዚህም ምድብ በተደረጉ ጨዋታዎች መሪዎቹ ቡድኖች ነጥብ የጣሉባቸው ውጤቶች ተመዝግበዋል፡፡

ሀላባ ከተማ በሁለተኛ ደረጃ ላይ የነበረው ሀድያ ሆሳዕናን አስተናግዶ 1-0 በማሸነፍ ደረጃውን ማሻሻል ችሏል፡፡ አቦነህ ገነቱ በ68ኛው ደቂቃ የሀላባን የማሸነፊያ ጎል አስቆጥሯል፡፡

ወልቂጤ ከተማ መሪው ጅማን ከተማን አስተናገዶ 1-0 አሸንፏል፡፡ ለወልቂጤ ከተማ የማሸነፊያውን ጎል ብሩክ በየነ በ9ኝው ደቂቃ አስቆጥሯል።

በሌሎች ጨዎታ ሻሸመኔ ከተማ  ጅንካ ከተማን 1-0 ሲያሸንፍ መጨረሻ ደረጃ ላይ የነበረው ነቀምት ከተማ 3ኛ ላይ የነበረው ደቡብ ፖሊስን 1-0 ማሸነፍ ችሏል፡፡ ቦንጋ ላይ ፌዴራል ፖሊስን ያስተናገደው ካፋ ቡና 2-1 ተሸንፏል፡፡ በ15ኛው ሳምንት በሜዳው ሽንፈት ያስተናገደ ብቸኛው ቡድንም ሆኗል፡፡ አርቢ ነገሌ ከ ነገሌ ቦረና ያለ ግብ አቻ የተለያዩበት ጨዋታም በሳምንቱ የተደረገ ሌላ ጨዋታ ነበር፡፡

በድሬዳዋ ደርቢ ናሽናል ሴሜንት ከ ድሬዳዋ ፖሊስ እንዲሁም ዲላ ከተማ ከ ስልጤ ወራቤ የሚያደርጓቸው ጨዋታዎች ወደ ነገ ተሸጋግረዋል፡፡ ሀሙስ እለት ዲላ ከተማ ድሬዳዋ ከተማን በተስተካካይ ጨዋታ ገጥሞ 1-0 ማሸነፉ የሚታወስ ነው፡፡ በዚህ ተስተካካይ ጨዋታ ምክንያትም ሁለቱ ጨዋታዎች ወደ ነገ እንዲገፉ ምክንያት ሆኗል፡፡


ከፍተኛ ሊግ ምድብ ለ

#ክለብተጫአሸአቻተሸአስተቆልዩነጥብ
124136536221445
224117626161040
32411762517840
42410862719838
52491053122937
6249872625135
72481061819-134
82495101925-632
9248792421331
10ጂንካ ከተማ248792634-831
11247983432230
122477101927-828
132475122024-426
142466122330-724
152458111929-1023
162458111627-1123

One thought on “ከፍተኛ ሊግ | በሁለቱም ምድብ መሪዎቹ ክለቦች ነጥብ ጥለዋል

  • March 22, 2017 at 12:45 am
    Permalink

    ሃሃሃሃ ሀዲያ ሆሳዕና ከ ከፍተኛ ሊግም ሊወርድ ነው እንዴ? ኧረ ይደብራል ያለ የሌለ ሀይል ተጠቀሙ ጎበዝ! ምን ማለት ነው በሰፊ ልዪነት መርቶ ተመልሶ 4ኛ መሆን ? ያውም ከፕ.ሊግ ይዞ የወረዳቸውን ተቻዋቾች ይዞ…… እባካችሁ.. … እባካችሁ የደቡብ ቲም ይኸን ያህል በቀላሉ እጅ ሰጥቶ አያውቅም። በዚያ ላይ ሀዲያ ሆሳዕና! ኧረ ተው! አተናክሩት ቡድኑን ። ከአሰልጣኙና ከቡድኑ ጎን ሁኑ።

Leave a Reply