የኢትዮጵያ ከ17 እና ከ20 አመት በታች ሊጎች እጣ ወጥቷል

የ2009 የውድድር ዘመን የኢትዮጵያ ከ17 እና ከ20 አመት በታች ሊጎች እጣ ማውጣት ስነስርአት በካፒታል ሆቴል እና ስፓ በጋራ ተካሂዷል፡፡ በስነስርአቱ የ2008 የ17 አመት በታች ፕሪሚየር ሊግ ሪፖርት እና የዘንድሮው የውድድር ዘመን ደንብ የቀረበ ሲሆን ከድንገተኛ ጉዳቶች ጋር የተያያዘ ማብራርያ እና የእድሜ ጉዳይ ላይ ገለጻ ተደርጓል፡፡ ውይይቶች ከተካሄዱ በኋላም የእጣ ማውጣት ስነ ስርአቱ ተካሂዷል፡፡

 

በእረፍት ቀናት ይካሄዳል

ውድድሩ የወጣቶች እንደመሆኑ ከትምህርት ጋር በተያያዘ ጨዋታዎች ቅዳሜ እና እሁድ እንዲደረጉ በተነሳው ሀሳብ ላይ ውይይት ተካሂዶ ተቀባይነት አግኝቷል፡፡

 

የውድድሩ መጀመርያ ቀን ተለውጧል

የ17 አመት በታች እና 20 አመት በታች ሊጎች የመጀመርያ ቀናት ላይ የቀን ለውጥ ተደርጎ ሁለቱም ሊጎች ህዳር 27 እንዲጀምሩ ተወስኗል፡፡

 

የማጠቃለያ ውድድር አይኖርም

ፌዴሬሽኑ በሴቶች ፕሪሚየር ሊግ ላይ እንዳደረገው ሁሉ በ2 ምድብ የተከፈለው የ17 አመት በታች ሊግ የማጠቃለያ ውድድሩ እንዲቀር አድርጓል፡፡ በዚህም መሰረት የምድቦቹ አሸናፊዎች ለሊጉ ቻምፒዮንነት ሲጫወቱ ከምድባቸው 2ኛ ደረጃ ይዘው ያጠናቀቁ ክለቦች ለደረጃ ይጫወታሉ፡፡

 

የጥሎ ማለፉ ጉዳይ አለየለትም

ከሊጉ ውድድር በተጨማሪ እንዲካሄድ ሀሳብ በቀረበበት የጥሎ ማለፍ ውድድር ላይ ክለቦች የተለያየ ሀሳብ በማንፀባረቃቸው መካሄድ አለመካሄዱ ወደፊት ይገለጻል ተብሏል፡፡

 

የእድሜ ማጭበርበርን መከላከል. . .

ፌዴሬሽኑ የእድሜ ማጭበርበርን ለመቆጣጠር የተለያዩ አሰራሮችን እየተከተለ እንደሆነ የህክምና ኮሚቴ ሰብሳቢ ዶ/ር ነስረዲን ገልፀዋል፡፡ ልዩ መለያ ኮድ ያለው መታወቂያ ማዘጋጀት እና ፌዴሬሽኑ በመረጣቸው የህክምና መስጫ ተቋማት ብቻ የMRI ምርመራ ማድረግ ከመቆጣጠርያ መንገዶቹ መካከል ናቸው ተብሏል፡፡

picsart_1477458942120

ከ20 አመት በታች ፕሪሚየር ሊግ

ለመጀመርያ ጊዜ የሚካሄደው የ20 አመት በታች ፕሪሚየር ሊግ 12 ክለቦችን የሚያሳትፍ ሲሆን በዞን ሳይከፋፈል ወጥ በሆነ ፎርማት ይካሄዳል፡፡

በወጣው እጣ መሰረት የመጀመርያው ሳምንት ጨዋታዎች የሚከተሉት ናቸው፡-

ድሬዳዋ ከተማ ከ ቅዱስ ጊዮርጊስ (ድሬዳዋ)

ኢትዮጵያ ንግድ ባንክ ከ ሀዋሳ ከተማ (አአ)

አዳማ ከተማ ከ ኢትዮጵያ ወጣቶች ስፖርት አካዳሚ (አዳማ)

መከላከያ ከ ደደቢት (አአ)

ኢትዮ-ኤሌክትሪክ ከ ኢትዮጵያ መድን (አአ)

ወላይታ ድቻ ከ ኢትዮጵያ ቡና (ሶዶ)

 

ከ17 አመት በታች ፕሪሚየር ሊግ

17 ክለቦችን የሚያሳትፈው የዘንድሮው ከ17 አመት ፕሪሚየር ሊግ እንደዚህ ቀደሙ በሁለት ምድብ ቢከፈልም የመልክአ ምድራዊ አቀማመጣቸውን ያማከለ ድልድል ቀርቶ በእጣ እንዲደለደለ ተደርጓል፡፡

የመጀመርያው ሳምንት ጨዋታዎች የሚከተሉች ናቸው

ምድብ ሀ

ኢትዮጵያ ቡና ከ አዳማ ፎም (አአ)

መከላከያ ከ ኢትዮጵያ ንግድ ባንክ (አአ)

ሀዋሳ ከተማ ከ ወላይታ ድቻ (ሀዋሳ)

ኢትዮጵያ መድን ከ አፍሮ ፅዮን ኮ. (አአ)

 

ምድብ ለ

ኢትዮጵያ ወጣቶች ስፖርት አካዳሚ ከ ኢትዮ-ኤሌክትሪክ (አአ)

ኒያላ ከ አዳማ ከተማ (አአ)

ተ/ብርሃን አምባዬ ከ ሲዳማ ቡና (አአ)

ደደቢት ከ አዲስ አበባ ከተማ (አአ)

አራፊ ቡድን – ቅዱስ ጊዮርጊስ

አብርሃም ገብረማርያም
Follow Me

አብርሃም ገብረማርያም

ይህንን ፅሁፍ ያቀረብኩላችሁ አብርሃም ገብረማርያም ነኝ

ከፎቶው በታች ያለው የፌስቡክ እና ትዊተር ምልክትን ተጭነው ሊያገኙኝ ይችላሉ
አብርሃም ገብረማርያም
Follow Me

አብርሃም ገብረማርያም

ይህንን ፅሁፍ ያቀረብኩላችሁ አብርሃም ገብረማርያም ነኝ ከፎቶው በታች ያለው የፌስቡክ እና ትዊተር ምልክትን ተጭነው ሊያገኙኝ ይችላሉ

Leave a Reply

Your email address will not be published. Required fields are marked *