አዳነ ግርማ ለብሔራዊ ቡድን ስለቀረበለት ጥሪ ይናገራል

የኢትዮጵያ ብሄራዊ ቡድን በቀጣዩ ወር የአመቱን የመጀመርያ የነጥብ ጨዋታ ያደርጋል፡፡ አዲሱ የዋልያዎቹ አሰልጣኝ አሸናፊ በቀለም 29 ተጫዋቾችን መርጠዋል፡፡ አሰልጣኙ በስብስባቸው አንጋፋው አጥቂ አዳነ ግርማን ለማካተት ጥሪ ለተጫዋቹ አቅርበውለት እንደነበረም ተሰምቷል፡፡

በጉዳዩ ዙርያ ለሶከር ኢትዮጵያ አስተያየቱን የሰጠው አዳነ ግርማ አሰልጣኝ አሸናፊ ጥሪ አቅርበውለት እንደነበር ገልጿል፡፡ ” በርግጥ አሁን ያለኝ ወቅታዊ አቋም የሚያጫውተኝ ቢሆንም በዚህ ሶስት አመት ውስጥ ራሴን ከብሔራዊ ቡድን አግልያለሁ። ከብሔራዊ ቡድን ካገለልኩ ጀምሮ ብዙ አሰልጣኞች እንድመለስ ጠይቀውኛል ፤ አሁንም አሰልጣኝ አሸናፊ በቀለ እንድጫወት ጠይቆኛል፡፡ በዚህም አመሰግነዋለው። እንደሚታወቀው ለሀገሬ ከ10 አመት በላይ አቅሜ በቻለ ነገር ሁሉ አገልግያለው፡፡ በዚህም በጣም ደስተኛ ነኝ። አሁን ክለቤ ላይ ትኩረት ማድረግ ስለምፈልግ እንጂ አቅሜ ሳይችል ቀርቶ አይደለም ራሴን ከብሔራዊ ቡድን ያገለልኩት። ” ሲል አዳነ ተናግሯል፡፡

የቅዱስ ጊዮርጊሱ አጥቂ የአሰልጣኙ ምርጫ ላይ በሰጠው አስተያየት የአሸናፊን ምርጫ እንደሚያከብር ጠቁሟል፡፡ ” አሰልጣኙ የራሱ አካሄድ አለው፡፡ በብዛት በቡድናቸው ውስጥ ጥሩ የሚንቀሳቀሱ ሀገር ውስጥ አሉ የሚባሉ ተጨዋቾች ተመርጠዋል። ሆኖም መጠራት እየተገባቸው ያልተመረጡ አሉ፡፡ የአሰልጣኙን ስራ የማከብር ቢሆንም ወደ ፊት እያየ ይጨምራል ብዬ አስባለው። አሁን ለራሱ አጨዋወት ታክቲክ ይመጥናሉ ብሎ ያመነበትን መርጧል፡፡ እንግዲህ ስራውን ለእርሱ መተው ነው። በዚህ አጋጣሚ መልካም እድል እመኝለታለሁ።

አዳነ ግርማ በ2006 ራሱን ከብሔራዊ ቡድኑ ካገለለ ወዲህ ዋልያዎቹ 3 አሰልጣኞችን ቀያይረዋል፡፡ ደጉ ደበበ እና አይናለም ኃይለም የአዳነን ፈለግ ተከትለው ራሳቸውን ከብሔራዊ ቡድን አግልለዋል፡፡ የአፍሪካ ዋንጫ ማጣርያ ፣ የአለም ዋንጫ ማጣርያ እና የቻን ውድድሮች ላይ ተሳትፋም መልካም ውጤቶችን አላስመዘገበችም፡፡ አዳነም ባገለለባቸው አመታት ያለው ብሔራዊ ቡድን አለመረጋጋት እንደሚታይበት ያምናል፡፡

” ብሔራዊ ቡድኑ ብዙ አሰልጣኝ ነው የተፈራረቀበት፡፡ እኔ እንደ ብሔራዊ ቡድን ሳስበው በሌላው አለም አንድ አሰልጣኝ ሁለት አመት እና ከዛ በላይ ጊዜ ይሰጠዋል። እኛ ሀገር የስድስት ወር እና የአንድ አመት ውል እየሰጠህ  እንዴት ነው የሚሆነው? ይህ አይነት አሰራር ሊቀር ይገባል፡፡ ኢትዮጵያም የሌሎች ሀገሮችን ተመኩሮ መውሰድ አለባት እላለው። ” ሲል በብሄራዊ ቡድኑ ዙርያ ያለውን ሀሳብ ቋጭቷል፡፡

በኢትዮጵያ እግርኳስ ላይ አሳሳቢ ከሆኑት ጉዳዮች አንዱ የሆነው የተጫዋቾችን ክብር የሚነካ ዘለፋ ነው፡፡ ዘንድሮ በተለያዩ ተጫዋቾች ላይ ይህ ተግባር ተፈፅሞ በክለቦች ላይ ቅጣቶች መጣሉም የሚታወስ ነው፡፡ ከጉዳዩ ሰለባዎች አንዱ የሆነው አዳነ ግርማ ይህ ተግባር ሊወገድ እንደሚገባ ተናግሮ ከሶከር ኢትዮጵያ ጋር የነበረውን ቆይታ ቋጭቷል፡፡

” እንደ ደጋፊ ሳስበው ስታድየም የሚመጡት ሊዝናኑ እና የሚወዱት ቡድናቸውን ሊደግፉ እንጂ የተቃራኒን ቡድን እና ተጨዋች ለመሳደብ አይደለም። እስከ መጨረሻው ደቂቃ ድረስ ቡድንህን እና ቡድንህን ብቻ ደግፈህ መውጣት ነው ያለብህ። ይህን መልዕክት የማስተላልፈው ለዚህ ቡድን ለዛ ብዬ አይደለም ፤ ለሁለም ቡድን ደጋፊዎች ነው። ቡድናቸውን ደግፈው ቡድናቸው ተዝናንተው በሚመዘገበው ውጤት ቢያሸንፍም ተደስተው ቢሸነፍም ተከፍተው ቡድናቸው ላይ መስተካከል ያለበትን ነገር አግባብ ባለው መንገድ ተናግሮ መሄድ ነው እንጂ የተቃራኒ ቡድን ተጨዋች መስደብ ተገቢ አይደለም። አሁን የስፖርት ቤተሰቡ ወደ ሜዳ መምጣቱ ትልቅ ነገር ነው። ይህን ህዝብ በስታድየም ለማስቀረት አላስፈላጊ ነገሮችን መቅረፍ አለብን ብዬ አስባለሁ፡፡ “

ዳንኤል መስፍን

ዳንኤል መስፍን

ይህንን ፅሁፍ ያቀረብኩላችሁ ዳንኤል መስፍን ነኝ

ከፎቶው በታች ያለው የፌስቡክ ምልክት ተጭነው ሊያገኙኝ ይችላሉ
ዳንኤል መስፍን

ዳንኤል መስፍን

ይህንን ፅሁፍ ያቀረብኩላችሁ ዳንኤል መስፍን ነኝ

ከፎቶው በታች ያለው የፌስቡክ ምልክት ተጭነው ሊያገኙኝ ይችላሉ

9 thoughts on “አዳነ ግርማ ለብሔራዊ ቡድን ስለቀረበለት ጥሪ ይናገራል

  • May 12, 2017 at 6:26 am
    Permalink

    እድሜና ጤና ለምንጊዜም ምርጥ አሰልጣኝ ጋሽ ሰውነት ቢሻው ታሪክ ሰራልን ሁሉም የእርሱ ውጤት ነው።

    Reply
  • May 11, 2017 at 11:46 pm
    Permalink

    አዳነ ግርማ ከሌሎቹ ዋልያዎች ጋር ሆኖ ከወሳኞቹ ጎሎች አንዱን አግብቶ (በመጨረሻው ማጣሪያ ጨዋታ ላይ )ሀገሩን ለአፍሪካ ዋንጫ አድርሷል በአፍሪካ ዋንጫም በወቅቱ የአፍሪካን ዋንጫን አንስቶ በነበረው ቡድን ላይ ጎል አግብቷል – ጉዳት እስኪ ገጥመው ድረስ መሀል ሜዳውን በመቆጣጠር ተቀይሮ እስኪወጣ ድረስ የቡረኪና ፋሶ ብሔራዊ ቡድን አንድ ጎል ማግባት አይደለም በጨዋታም አልበለጠም -ይህን ሁሉ በሙያዉ በፈጣሪ እርዳታ ለሀገሩ ስላደረገው ነገር ማመስገን አለብን፡፡

    Reply
  • May 11, 2017 at 7:38 pm
    Permalink

    desta
    ኣዳነስ እሺ ቢያንስ 1 ጎል ኣለው …ደጉ እና ኣይንኣለም ያን ያህል ለውጥ ኣምጪዎች ነበሩ እያልክ ነው ..

    Reply
  • May 11, 2017 at 7:10 pm
    Permalink

    Alex ስለማታውቀውን ባትዘባረቅና የኢትዮጵያ እግር ኳስን ለሚከታተሉት ምናለበት? ውለታን መርሳት ለሀበሻ ባህሪው ነውና ላይፈረድብህ ይችላል። የዋልያ ስምና አርማ እንዲጋነንና ለCHAN ለአፍሪካ ዋንጫና የአለም ዋንጫ በራፍ ካደረሱንና ታሪክ ካስመዘገቡት መሃል ሁለቱ አይናለምና ደጉ ይገኛሉ።

    አዳነን በተመለከተ በ10 ዓመት የ ብ/ቡድን ቆይታው እንደተናገረው ሀገሩን በሚገባው አገልግሏል። በስተመጨረሻ ከMariano Barreto ጋር ተጋጭቶ ከቡድኑ ተሸኘ። ከቡድኑ መባረርና በደጋፊዎች መሰደብ አይገባውም ነበር። አዳነ ምንም እዳ የለበትም መመለስ አለመፈለጉም አልገረመኝም።

    Reply
  • May 11, 2017 at 11:34 am
    Permalink

    ኣዳነም ሆነ ሌሎች ኖሩም ኣልኖሩ ቡድኑ ላይ የሚያመጡት ምንም ለውጥ ኣይኖርም በተለይ ደጉ እና እይናለም ክመጀመርያው መመረጣቸው እራሱ ተኣምር ነው
    ይልቅ ጥያቄው /እኔ ያልገባኝ ልብሄራዊ ቡድን ኣልጫውትም ማለት ይቻላል እንዴ ? ኣገርን ማገልገል ግዴታ ጭምር ኣይደለም እንዴ እስኪ ኣስረዱኝ…

    Reply
    • May 11, 2017 at 6:05 pm
      Permalink

      እባክህ ኣትርሳ እንጂ በደጉ እና ኣይናአለም ዘመን ነው ኣፍሪካ ዋንጫ ያየነው

      Reply
      • May 12, 2017 at 6:17 pm
        Permalink

        በደጉና በአይናለም ጊዜ ምንም ያየነው ነገር የለም የሰውነትም እራሱ ውጤት በድል የተገኘ ውጤት ነው አፍሪካ ዋንጫ የገባንበትን የሱዳንን ማንሳት ይቻላል ወይም የደቡብ አፍሪካን ሰውነትስ ቢሆን ዛሬ ላይ ብዙ ክለብ እየጠየቀው የማያሰለጥንበት ምክንያት ያችን ክብር እንዳያጣ ስለሚፈራ ነው ማለትም በብቃቱ ስለማይተማመን የአዳነን ነገር ተወው ባወራው አያልቅም ኢሄ ጥርብ ፋራ ከደጋፊ ጋር እልህ የሚጋባ

        Reply

Leave a Reply

Your email address will not be published. Required fields are marked *