በጂንካ ከተማ እና ሀላባ ከተማ ጨዋታ ላይ ውሳኔ ተላለፈ

 

በኢትዮጵያ ከፍተኛ ሊግ 28ኛ ሳምንት ጂንካ ላይ ጂንካ ከተማ ከ ሀላባ ከተማ ያደረጉት ጨዋታ በሀላባ ከተማ 2-1 መሪነት 62ኛው ደቂቃ ላይ በተነሳ የደጋፊ ረብሻ ጨዋታው መቋረጡ የሚታወስ ነው፡፡ የኢትዮጵያ እግርኳስ ፌዴሬሽን ዲሲፕሊን ኮሚቴም በጨዋታው ዙርያ ውሳኔ አስተላልፏል፡፡

በፌዴሬሽኑ ውሳኔ መሰረት የጂንካ ከተማ ደጋፊ ወደ ሜዳ አጥር ዘሎ በመግባት ግርግር በመፍጠሩ ፣ የቡድኑ አባላትም በእለቱ ዳኛ ላይ ድብደባ በመፈጸማቸው በጂንካ ከተማ ላይ የ100,000 ብር ቅጣት ተላልፎበታል፡፡ በቀጣይ የሚያደርጋቸው ሁለት የሜዳው ጨዋታዎችን ከከተማው 100 ኪሎ ሜትር ርቀት በሚገኝ ከተማ እንዲያደርግ እንዲሁም የተቋረጠው ጨዋታ በተመሳሳይ ከ100 ኪሎ ሜትር በሚርቅ  ከተማ ከቆመበት እንዲቀጥል ተወስኗል፡፡ የሚካሄድበት ቦታ እና ቀንም የሊግ ኮሚቴው እንደሚወስን ታውቋል፡፡

በእለቱ በዳኛው ላይ ድብደባ የፈጸሙት አላዛር ዝናቡ እና አብርሀ አባተ እንዲሁም ምክትል አሰልጣኙ ፍስሀ ደረጄ ለአንድ አመት ከእግርኳስ ውድድሮች ሲታገዱ እያንዳንዳቸው የ10,000 ብር ቅጣት ተላልፎባቸዋል፡፡

ዳንኤል መስፍን

ይህንን ፅሁፍ ያቀረብኩላችሁ ዳንኤል መስፍን ነኝ

ከፎቶው በታች ያለው የፌስቡክ ምልክት ተጭነው ሊያገኙኝ ይችላሉ

8 thoughts on “በጂንካ ከተማ እና ሀላባ ከተማ ጨዋታ ላይ ውሳኔ ተላለፈ

  • June 19, 2017 at 11:53 pm
    Permalink

    ትልቁ ጉዳይ ድጋሚ ከጂንካ ጋር ስለ መጫወት አለ መጫወት አይደለም ?ከስሜታውነት ወተን ስለ ህጉ እናውራ ። በኢትዮጰያ እግር ኳስ ፌዴሬሽን የዲሲፕሊን መመሪያ አንቀጽ 72/4 ላይ ውድድር በሚካሄድበት ወቅት የአስተናጋጅ ክለብ ደጋፊ ወይም አመራር ወደ ሜዳ በመግባትና ረብሻ በመፍጠር ውድድር እንዲቋረጥ ካደረገ አስተናጋጅ ቡድን ወይም ክለብ በፎርፌ ተሸናፊ ይሆናል ። እንዲሁም ከሁለት እስከ ዘጠኙ ነጥብ እና የገንዘብ ቅጣት ይቀጣል ይላል ። ይህ ህግ በዬትኛው ደንብ ተሻረ? June 13/2017 ዳኒ በዘገባህ አቶ አበበ ገላጋይ ቀለመጠይቅ ስታደርግ አንድ የተናገሩ ነገር ነበር ምንም እንኳ የተናገሩትንም ደንቡንም ባይተገብሩም ዳኛን የደበደበ ፣ የሰደበ ፣ ኮሚሽነሮችን እና አመራሮችን በተመሳሳይ የተሳደበና አላስፈላጊ ነገር ያደረገ ፈጽሞ ይቅር አንልም ። ብለው ነበር ጉራ ብቻ ።ለምን ? ውሳኔውዎቹ ከደንቡ ላይ ከተቀመጠው ቅጣት ለምን ተቀነሰ ? ፎርፌውና ነጥብ ቅነሳው ? ከዚህ ሴራ ጀርባ ያለው ግለሰብ ፣ ክለብ ፣ ማን ሊሆን ይችላል ? ያልተመለሰ ጥያቄ ? በዚህ ያልተገባ ውሳኔ ምክንያት ያለ አግባብ የሚወርዱና ወደ ፕርሜሪሊግ የሚያድግ ክለብ በጥቅም ሆን ተብሎ ያተሰራ ስለመሆኑ አያጠራጥርም ። Soccerች ለእናተ አንድ ጥያቄ አለኙ ? የእግር ኳስ ውጤቶችን ብቻ በማህበራዊ ሚዲያቹ መግለጻቹ ብቻ ለኢትዮጰያ እግር ኳስ እድገት ለውጥ ያመጣል ብዬ አላስብም ምክንያቱም እግር ኳሱን የሚያቆሽሹ ለሆዳቸው ያደሩ የኢትዮጰያ ሕዝብ በሰጣቸው ስልጣን ክራይ የሚሰበስቡ በዚህ ጉዳይ እጃቸው ያለ የፌዴሬሽን አካላት እግር ኳሱን እየገደሉ ለራሳቸው በሚያመቻቸው መንገድ የእግር ኳስ መመርያና ደንብ እራሳቸው እየጣሱ እናተ ለምን ለማጋለጥ ድፍረት አጣቹ ? ወይስ እናተም ?ከ—-አላቹበት ? ከደሙ ነፃ ከሆናቹ ደንቡ እንዲከበር እውነቱ እንዲወጣ ሰርታቹ አሳዩን?ሕዝቡ እውነቱን ይጠብቃል ? የተፃፈ የእግር ኳስ መመርያና ደንብ በአስፈጻሚዎች ይከበር!!!

    Reply
  • June 19, 2017 at 11:35 pm
    Permalink

    የድስፕሊን ችግር ላለባቸው ክለቦች ማስተማሪያ
    የሚሆነው 100,000 ብር ሳይሆን ፎርፌ ነበር፣ የብር
    ቅጣት ሊያስተምር አይችልም በገንዘብ ሀብታም
    የሆኑ ክለቦች ዳኞችን ቀጥቅጠው ጨረሱ ማለት
    ነው። ጨዋታ ከቆመበት ሚቀጥል ከሆነ ምኑ ነው
    ቅጣቱ?

    Reply
  • June 19, 2017 at 11:21 pm
    Permalink

    ፌደሬሽኑ ይህንን ውሳኔ እስከ 29ኛ ሳምንት ጫወታ
    መጠናቀቅ ድረስ አላሳለፈም ነበር። ግን ይህን ያህል ጊዜ
    ለምን ቆየ? የማንንስ አድቫንቴጅ እየጠበቀ ነው? የሚሉ
    ጥያቄዎች ከ29ኛው ሳምንት ጫወታ መጠናቀቅ በኋላ
    ግልፅ ሆኗል። ምክንያቱም ሀላባ የ29ኛ ሳምንት
    ጫወታውን ቢሸነፍ የጂንካው ጫወታ ፎርፌ ይሰጥ ነበር
    ፎርፌ መስጠቱ የሚያመጣው ለውጥ ስለሌለ ማለቴ ነው።
    ግን ይህ የሀገሪቱን ፉትቦል እንዳሻው ሽባ እያደረገ ያለው
    ፌደሬሽን ተብዬ በ29ኛ ሳምንት ፌደራል ፖሊስን ገጥሞ
    በሚገርም የጫወታ ብልጫ 4ለ0 በሆነ ውጤት
    ያሸነፈውን ሀላባ ከተማን ለማዳከም ይመስላል ይህን
    ያህል ጊዜ ተኝቶ ተኝቶ የጂንካው ጫወታ ከቆመበት
    ይቀጥል አለ። ጫወታው ተደገመም ፎርፌ ተሰጠ ሀላባ
    ከነማ ውጤት እንዲቀየር ብሎ ለማንም ዱዲ አይሰጥም
    ውጤት በችሎታ እንጂ በሙስና የሚያመጣ ትውልድ
    እንዲኖረን አንሻም። ክለባችን በዚህ ሰአት በምርጥ አቋም
    ላይ ነው የሚገኘው ሙስና አይነካካንም የትኛውም ክለብ
    ይምጣ የትኛውም ሜዳ ይሁን በጫወታ በልጠን አሸንፈን
    እንገባታለን ዘንድሮ የትኛውንም ህግ እያፈራረሳችሁ
    ልታስቀሩን ብታስቡም አይሳካም እንገባታለን መላው
    የኢትዮጵያ ህዝብ የደቡብ ባርሳ የሆነውን የሀላባን ከነማን
    ጫወታ ለማየት ናፍቋልና እባካችሁ ከመንገዱ ላይ ገለል
    በሉለት የኳስን ጥበብና ውበት ያሳይበት። ድል ለነዛ
    ለበርበሬዎቹ።

    Reply
    • June 20, 2017 at 10:00 am
      Permalink

      lemin bemagistu chawetaw endiketil altederegem, 100km riket ke jinka chawetaw yidereg malet kitatu le halabam chimir new, lemin yigulalalu? ezaw jinka eyemerus alneberem be sinesirat machawet kechalu ahun yashenifal Halaba mirt budin

      Reply
  • June 19, 2017 at 9:50 pm
    Permalink

    ጂንካ ላይ የተወሰነው ውሳኔ የማያስተምር ነው። ምክኒያቱም አንድ ህፃን ልጅ ኳስ የሚያመላልስ ዳኛን መታ ብሎ እንዲህ አይነት ዉሳኔ አለ ወይ? እ/ኳ/ፌ ተወካይ ኮምሽነሩ ዳኛውን እንዲያጫውት ለምኖት አልነበረም ወይ? ያሳዝናል በጣም ከ100 ኪ.ሜ በላይ ስላላችሁ ኦሞራቴ ላይ ይካሄዳል ብለን እንጠብቃለን። ይሄንንም ከልክሉን ለነገሩ ኳስ አርብቶ አደር አከባቢ እንዳያድግ ስለምትፈልጉ ውሳኔያችሁን አክብረናል። ግን እነ ኡመድ ÷ እነ ጋቶች ÷ሳላሃዲን ወዘተ የወጡት ከዚህ ነው። ቀጣይ ግን ለዳኞችና ኮምሽነሮች ትምህርት እንሰጣለን። ለማንኛውም የቡድኑ አመራሮች ይግባኝ ይጠየቅ ።።።።።።።።።.።.

    Reply
  • June 19, 2017 at 8:17 pm
    Permalink

    Nice decision we have to eliminate holiganism from ethiopian football.

    Reply
  • June 19, 2017 at 8:02 pm
    Permalink

    Dedeb federshen dagnawu lay min wusane telalefe dedeboch lezih new yeagerachen egir quas yemayadgwu tenefu ahiyawoch enanten neber leand amet keger kuas marak mehaymoch

    Reply

Leave a Reply

Your email address will not be published. Required fields are marked *