ወላይታ ድቻ ሶስት አዳዲስ ተጫዋቾችን አስፈረመ

በኢትዮጵያ ፕሪምየር ሊግ የመጨረሻ ሳምንት በሜዳው ደደቢትን 4-2 በሆነ ውጤት በማሸነፍ በሊጉ መቆየቱን ያረጋገጠውና የጥሎ ማለፍ ቻምፒዮን በመሆን በሚቀጥለው የውድድር ዘመን በአፍሪካ ኮፌድሬሽን ካፕ ተሳታፊ መሆኑን ያረጋገጠው ወላይታ ድቻ የክለቡን ለማጠናከር የተለያዩ ጥረቶችን እያደረገ ይገኛል፡፡ በቀጣይ የውድድር ዘመን በሊጉም ሆነ በኮፌደሬሽን ዋንጫ ጠንካራ ተፍካካሪ ለመሆን ተጫዋቾች ማስፈረም መጀመሩን አሰልጣኝ መሳይ ተፈሪ ለሶከር ኢትዮጵያ ገልፀዋል፡፡

ለወላይቻ ድቻ በ2005 የውድድር ዘመን ወደ ፕሪሚየር ሊግ ሲያድግ እንዲሁም በቀጣዩ አመት በሊጉ አስገራሚ ግስጋሴን ሲያደርግ በክለቡ ቁልፍ ሚና የነበረው የቀኝ መስመር ተከላካዩ እሸቱ መና እምብዛም ውጤታማ ካልነበረ የሁለት አመታት የአዳማ ከተማ ቆይታ በኃላ ዳግም ወደ ቀድሞ ክለቡ ተመልሷል፡፡

በተጨማሪም በሀዋሳ ከተማ ከታዳጊ ቡድን ጀምሮ ለ5 አመታት ቆይታ ያደረገው የግራ መስመር ተከላካዩ ተስፋ ኤልያስም ለቀጣዮቹ ሁለት አመታት ለድቻ ለመጫወት ተስማምቷል፡፡ ተስፋ በግራ መስመር ተከላካይነትም ሆነ አማካይነት መጫወት የሚልችል በመሆኑ ቡድኑን የለቀቀው ፈቱዲን ጀማልን ክፍተት ለመድፈን ይረዳል ተብሎ ይጠበቃል፡፡

ሌላኛው ለወላይታ ድቻ ለመጫወት የተስማማው የተከላካይ አማካይ ስፍራ ተጫዋች የነበረው ኃይማኖት ወርቁ ነው፡፡ ላለፉት ሁለት አመታት ለሀዋሳ ከተማ መጫወት የቻለው ኃይማኖት ከሀዋሳ ከተማ ጋር የነበረው የውል ስምምነት መጠናቀቁን ተከትሎ ስሙ በስፋት ከፋሲል ከተማ ጋር ሲያያዝ ቢቆይም በስተመጨረሻም ወላይታ ድቻን ተቀላቅሏል፡፡

በተያያዘም ክለቡን ለቆ ወደ ድሬዳዋ ከተማ እንዳመራ ሲነገር የነበረው ተከላካዩ አናጋው ባደግ ከክለቡ ጋር የሚያቆየውን ውል ሊፈርም እንደሚችል ታውቋል፡፡

ክለቡ ባሳለፍነው ሳምንት የኢትዮጵያ ንግድ ባንክ ግብጠባቂ የነበረውን ናይጄሪያዊውን ግብጠባቂ ኢማኑኤል ፌቮን እንዲሁም በኢትዮ ኤሌክትሪክ እምብዛም ስኬታማ የውድድር ዘመን ያላሳለፈው አሳልፈው መኮንን ከማስፍረሙ በተጨማሪ ወደ አራት የሚጠጉ ተጫዋቾችን ከተስፋ ቡድኑ ወደ ዋናው እንደሚያሳድግ ይጠበቃል፡፡

በቀጣይ አመት ኢትዮጵያን ወክሎ በአፍሪካ መድረክ ተካፋይ ወላይታ ድቻ ተጫዋቾች የነበሩት ግብጠባቂው ወንድወሠን አሸናፊ እና ተከላካዩ ቶማስ ስምረቱ ክለቡን ለቀው ወደ ኢትዮጵያ ቡና ሲያመሩ በተመሳሳይ የተከላካዩ ፈቱዲን ጀማል ወደ ሲዳማ ቡና እንዲሁም አጥቂው አላዛር ፋሲካ ወደ አዳማ ከተማ ማቅናታቸው ተረጋግጧል፡፡

ቴዎድሮስ ታከለ

ቴዎድሮስ ታከለ

ይህንን ፅሁፍ ያቀረበላችሁ ቴዎድሮስ ታከለ ነኝ

ከፎቶው በታች ያለው የፌስቡክ ምልክት ተጭነውሊያገኙኝይችላሉ
ቴዎድሮስ ታከለ

ቴዎድሮስ ታከለ

ይህንን ፅሁፍ ያቀረበላችሁ ቴዎድሮስ ታከለ ነኝ

ከፎቶው በታች ያለው የፌስቡክ ምልክት ተጭነው ሊያገኙኝ ይችላሉ

4 thoughts on “ወላይታ ድቻ ሶስት አዳዲስ ተጫዋቾችን አስፈረመ

  • July 20, 2017 at 4:25 pm
    Permalink

    To proceed to good level in African confederation cup, Dicha needs a quality strikers, and Midfielders. Better to work on it. Always Dicha, Dil le Dicha

    Reply
  • July 20, 2017 at 8:31 am
    Permalink

    W.dicha yasferemachew techewachoch abzegnawochu amina begudat endihum yemeselef edil yalagegnu nachew betekaraniw yelekekut betam mirt kuam teselafiwoch nachew ena asferemku lemalet yehizbun cuhete lemabred yemiadergu yimesilegnal.
    sim yalew tilk techewach yasfeligenal!!!

    Reply
    • July 20, 2017 at 12:10 pm
      Permalink

      sim card demo mn yaregelehal? aha ha ha ha

      Reply
  • July 19, 2017 at 10:54 pm
    Permalink

    የይህ ለወላይታ ድቻ ትልቅ ዜና ነዉ፡፡በተለይም የአናጋዉ ባደግ ያለመዛወር ቡደድኑ ትለልቅስከት ነወዉ፡፡ ለአልዛር ፋሰስከካ እና ለፈቱዲን ከልቤ የሆነ ምስጋናዬነን እያቀረብኩ መልካሙን ሁሉ እመኝላቸዋለሁ፡፡

    Reply

Leave a Reply

Your email address will not be published. Required fields are marked *