ሪፖርት | መቐለ ከተማ ፕሪምየር ሊጉን በታሪኩ ለመጀመርያ ጊዜ ተቀላቅሏል

የ2009 የውድድር ዘመን የኢትዮጵያ ከፍተኛ ሊግ እጅግ ወሳኝ ጨዋታ ዛሬ ድሬዳዋ ስታድየም ላይ ተደርጎ መቐለ ከተማ ሀዲያ ሆሳዕናን 2-1 በመርታት ለመጀመርያ ጊዜ ፕሪምየር ሊጉን ተቀላቅሏል፡፡

ይህን ወሳኝ ጨዋታ ለመከታተል በርካታ ተመልካች በድሬደዋ ስታድደም የታደመ ሲሆን በሁለቱም ክለብ ደጋፊዎች ህብረ ዜማ ታጅቦ ተካሂደል፡፡ በከተማው ከነበረው ከፍተኛ ሙቀት አንጻር በድንገት የጣለውና ጨዋታውን እስከማቋረጥ የደረሰው ዝናብም የጨዋታው አንድ ክስተት ነበር፡፡

ኢንተርናሽናል ዳኛ በአምላክ ተሰማ በጥሩ ብቃት በመራው የሁለቱ ቡድኖች ወሳኝ ጨዋታ 3ኛው ደቂቃ ላይ በጥሩ ሁኔታ ጨዋታውን የጀመሩት ሀዲያዎ ሆሳዕናዎች ከማዕዘን ምት በተሻገረ ኳስ ጎል አስቆጥረው የነበረ ቢሆንም ኳሱን ወደ ጎልነት የቀየረው አምረላ ደልታታ በግብ ጠባቂው ሶፎንያስ ላይ ጥፋት ሰርቶ ሚዛን አስቶታል በሚል ሳይፀድቅ ቀርቷል፡፡ የሀድያ ተጠባባቂ ተጫዋቾች እና አሰልጣኞች ጎሉ የፀደቀ መስሏቸው ደስታቸውን በአስገራሚ ሁኔታ ሲገልፁም ነበር።

ጨዋታው ቀጥሎ ስምንተኛው ደቂቃ ላይ ንፋስ የቀላቀለ ከባድ ዝናብ በመጣሉ ምክንያት የተቋረጠ ሲሆን ከ12 ደቂቃዎች በኋላ ዝናቡ ማባራቱን ተከትሎ ከተቋረጠበት ቀጥሏል፡፡

በኳስ ቁጥጥሩም ሆነ በማጥቃት እንቅስቃሴ ረገድ ተሽለው የቀረቡት ሀዲያዎች ጎል በማስቆጠርም ቀዳሚ ነበሩ፡፡ 14ኛው ደቂቃ ላይ በጉልበት እና ፍጥነት የመቐለ ከተማ ተከላካዮችን እረፍት ሲነሳ የነበረው እንዳለ ደባልቄ የግል ጥረቱን ተጠቅሞ ሀድያ ሆሳዕናን ቀዳሚ ማድረግ ቻለ።

የሀዲያ የመሪነት ግብ የዘለቀው ለቅፅበት ብቻ ነበር፡፡ በስታድየም የነበረውና በርካታ ቁጥር ያለው ተመልካች ደስታውን ገልፆ ሳይጨርስ የከፍተኛ ሊጉ ክስተት አማኑኤል ገብረሚካኤል በግምት ከ35 ሜትር ርቀት ላይ የግብ ጠባቂው አስራትን አቋቋም ተመልክቶ አክርሮ የመታው ኳስ ሀድያ መረብ ላይ አረፋ መቐለ ከተማን አቻ ማድረግ ችሏል።

ጨዋታው በአስገራሚ የመሸናነፍ ፍላጎት እና እልህ ቀጥሎ ሀዲያዎች በፍጥኘት ወደ መሪነት ሊመለሱባቸው የሚችሉባቸውን እድሎች መፍጠር ችለው ነበር፡፡ በተለይ በ20ኛው ደቂቃ ላይ በእንዳለ ደባልቄ እንዲሁም አምረላ ደልታታ አማካኝነት አግኝተው ሶፎንያስ ሰይፋ በአስገራሚ ሁኔታ አድኖባቸዋል። በተጨማሪም በ27ኛው ደቂቃ በተከላካይ አማካያቸው አሚኑ ነስሮ አማካኝነት በግንባሩ ገጭቶ የመታው ኳስ ለጥቂት አግዳሚውን ታኮ ወደ ውጭ የወጣው ኳስ የሚያስቆጭ አጋጣሚ ነበር፡፡

በአንድ ሁለት ቅብብልም ሆነ በረጃጅም ኳሶች ጨዋታውን መቆጣጠር የቻሉት ሀድያዎች ተጨማሪ የጎል እድል ለመፍጠር የሞከሩ ሲሆን መቐለዎችም የአማኑኤል ገ/ሚካኤልን የግል ጥረት ተጠቅመው አጋጣሚዎችን ለመፍጠር ሞክረዋል፡፡

በ35 ኛው ደቂቃ ላይ መቐለ ከተማዎች በአምበሉ አሌክስ ተሰማ አማካኝነት ክስ ለማሲያዝ ሲሞክሩ የዕለቱ ዳኛ በአምላክ ተሰማ ጨዋታ ተቋርጦ ክስ ማስያዝ አይቻልም በማለት ጨዋታውን ማስቀጠላቸው የጨዋታው አንድ አጋጣሚ ነበር። የመጀመርያው አጋማሽ የመጨረሻ 10 ደቂቃዎችም የጎል ሙከራዎች ሳይሰተናገዱበት ወደ መልበሻ ክፍል አምርተዋል፡፡

ከእረፍት መልስ ሀዲያ ሆሳዕና ከ ሀላባ ከተማ ጋር ባደረገው ጨዋታ ላይ እንደነበረው ሁሉ አምበሉ ኄኖክ አርፊጮ እና ግብ ጠባቂው አስራት ሚሻሞ ተገቢ ያልሆኑ ተጨዋቾች ናቸው በሚል ክስ በማስያዝ የጀመረው ሁለተኛ አጋማሽ ቀዝቀዝ ባለ እና በጥንቃቄ ላይ የተመሰረተ እንቅስቃሴ የታየበት ሲሆን ሀድያ ሆሳዕናዎች ከመጀመርያው በወረደ መልኩ ተዳክመው ቀርበዋል፡፡ በአንጻሩ መቐለዎች ተሻሽለው ቀርበዋል፡፡

የጨዋታው ሁለተኛ አጋማሽ የጎል ሙከራ ሳያስተናግድ እስከ 78ኛ ደቂቃ የዘለቀ ሲሆን በ78ኛው ደቂቃ በግምት ከ35 ሜትር ርቀት ላይ የተሰጠውን ቅጣት ምት ዮሴፍ ኃይሉ ለማሻማት በሚመስል መልኩ ወደ ሀዲያ ሆሳዕና የግብ ክልል የላከው ኳስ የግብ ጠባቂው አስራት ሚሻሞን የአቋቋም ስህተት ተከትሎ በቀጥታ ወደ ግብነት ተለውጧል፡፡ ጎሉም በስታድየሙ የነበሩት የመቐለ ደጋፊዎችን ወደ ጥልቅ ደስታ አሸጋግራለች፡፡

በቀሩት አስራ ሁለት ደቂቃዎች መቐለዎች ውጤቱን ለማስጠበቀ በጥብቅ መከላከል ኳሶችን ከግብ ክልላቸው በማራቅ ሲጠመዱ በአንፃሩ ሀዲያዎች በሙሉ አቅማቸው በመጠቀምና የአጥቂ አማራጫቸውን በማብዛት ጎል ለማስቆጠር ያደረጉት ጥረት ሳይሳካ ቀርቶ ጨዋታው በመቐለ ከተማ 2-1 አሸናፊነት ተጠናቋል፡፡

ውጤቱን ተከትሎ መቐለ ከተማ ጅማ ከተማ እና ወልዋሎ አዲግራት ዩኒቨርሲቲን ተከትሎ ወደ 2010 የኢትዮዽያ ፕሪምየር ሊግ መቀላቀል ችሏል፡፡ በመቐለ ከተማም ቁጥሩ ከፍተኛ የሎነ የከተማው ህዝብ ወደ አደባባዮች በመውጣት ደስታውን በከፍተኛ ሁኔታ ሲገልፅ አምሽቷል፡፡

በ1965 የተመሰረተው መቐለ ከተማ በተለያዩ ጊዜያት እየፈረሰ እና በድጋሚ እየተመሰረተ ቆይቶ በ2000 እንደአዲስ ከተመሰረተ ወዲህ በተለያዩ የታችኛው ሊግ እርከኖች ሲወዳደር ቆይቶ ዘንድሮ ወደ ፕሪምየር ሊጉ ለመጀመርያ አድጓል፡፡ ፕሪምየር ሊጉ እንደአዲስ ከተጀመረበት 1990 ወዲህ የተሳተፈ 48ኛው ክለብም መሆን ችሏል፡፡

 

 

ዳንኤል መስፍን

ይህንን ፅሁፍ ያቀረብኩላችሁ ዳንኤል መስፍን ነኝ

ከፎቶው በታች ያለው የፌስቡክ ምልክት ተጭነው ሊያገኙኝ ይችላሉ

5 thoughts on “ሪፖርት | መቐለ ከተማ ፕሪምየር ሊጉን በታሪኩ ለመጀመርያ ጊዜ ተቀላቅሏል

  • July 24, 2017 at 7:47 pm
    Permalink

    am mekelle ketema’s fun, but hadia’s performance was out of my mind…… even i wonder why they didn’t stood first @ their group. cuz i saw jimma ketema’s performance which was better than wolwalo but not that of hadia. i think the problem was they always underestimate their oppenents.
    but the courage of mekelle’s players and the support of funs shine above every thing and take what they deserve.VIVA MKFC

    Reply
  • July 19, 2017 at 1:44 pm
    Permalink

    hadiya hosana simun lemekeyer yane kemitemed hilwnawn biyargagit yishalew neber.ahun temelso mewtat yikbdewal.hosana ketema wede milew bimles yeteshale new.ye biher sim yizew yemimetu kileboch be ketemachew wust yalutn yelela biher tewelagochn yemigefa silehone bikeyer yishalal.

    Reply
  • July 19, 2017 at 12:47 pm
    Permalink

    You didn’t report Mekelle Kenema Football possession . It seems you deliberately leave it . Please give credit for the beautiful football Mekelle shows .

    Reply
  • July 19, 2017 at 7:33 am
    Permalink

    hahaha ar ataskun bakachu ahun alfe ymtlut clube wust lelawu yker koase ayto mkbabl ymechl sawu ale ende endeh gole eyassharu menamen kalhonema y south clubochn mashnf ykbdal yeha kalfwu ymaymar ahya yhone daga erhabtga

    Reply
  • July 18, 2017 at 10:23 pm
    Permalink

    Bamlak emetelut koshasha hulem golochen endeshare new…welkitenem ke 2 amet befit baher dar lay netsuh gole shero new endatgeba yaderegew…ahunem ergetegna nen yekelel kota lememulat kalhone beker befetsum hadeyan mertat aychelum enakachewalen…foot ball poletica yehonebat hager….socceroch tasazenalachu zem belo were ke ewnet yerake were…..teshhhhhhj…

    Reply

Leave a Reply

Your email address will not be published. Required fields are marked *