​አሰልጣኝ አብርሀም ተክለኃይማኖት የታዳጊዎች እግርኳስ ትምህርት ቤት ሊከፍቱ ነው

የቀድሞው የኢትዮጵያ ብሔራዊ ቡድን አሰልጣኝ ኢንስትራክተር አብርሃም ተክለኃይማኖት በያዝነው ዓመት በመቐለ የእግርኳስ ትምህርት ቤት ለመክፈት በዝግጅት ላይ እንደሚገኙ ለሶከር ኢትዮጵያ ገልፀዋል።

እንደ አብርሃም ተ/ሃይማኖት ገለፃ ከሆነ ትምህርት ቤቱ የታሰበው ልክ እንደ ቀለም ትምህርት ካሪኩለም ተቀርጾለት በክፍል ውስጥ እና በተግባር ስልጠና በመስጠት ተጫዋቾችን ማብቃት ነው። ” በአሁኑ ሰአት በሀገራችን ያለው የስልጠና አሰጣጥ ስርአት በስልጠና ላይ ሳይሆን በውድድሮች ላይ መሰረት ያደረገ በመሆኑ እኛም ይህንን ለመቀየር ብሎም በታክቲክ አረዳድ እና በቴክኒክ የዳበሩ ተጫዋቾች በመፍጠር ከሌላው አለም ተወዳዳሪ የሚሆኑ ተጫዋቾችን ለመቅረፅ በዝግጅት ላይ ነን። ” ሲሉ አክለዋል።

በቀጣይ ከመቐለው ትምህርት ቤት ባለፈ በሙሉ ትግራይ ክልል ፕሮጀክቱን በማስፋፋት በ52 የትግራይ ክልል ወረዳዎች 5000 ህፃናትን አቅፎ ለመሥራት የ5 አመት እቅድ መውጣቱን የገለፁ ሲሆን ለዚህ ፕሮጀክት የሚውል 30 ሚልዮን ብር ድጋፍ ከትግራይ ክልል ጠይቀው መልሱን በመጠባበቅ እንደሚገኙ ለማወቅ ተችሏል።

ኢ/ር አብርሀም ተክለኃይማኖት ከ1990ዎቹ መጀመርያ አንስቶ በጉና ንግድ ፣ ኢትዮጵያ ቡና ፣ መተሀራ ስኳር ፣ የኢትዮጵያ ብሔራዊ ቡድን እና ደደቢት በአሰልጣኝት የሰሩ ሲሆን ከ5 አመት ወዲህ የታዳጊዎች እግርኳስ ስልጠናዎች ላይ ትኩረት አድርገው እየሰሩ ይገኛሉ።

3 thoughts on “​አሰልጣኝ አብርሀም ተክለኃይማኖት የታዳጊዎች እግርኳስ ትምህርት ቤት ሊከፍቱ ነው

  • December 21, 2017 at 11:12 am
    Permalink

    Ato Guluma Ebakh Yet Yehun Kuas Becha Aseb kuas Becha

    Reply
  • December 10, 2017 at 2:18 pm
    Permalink

    ኢንስትራክተር አብርሃም ተ/ሃይማኖት ት/ቤት ታዳጊዎችን በኳስ ለማብቃት የራሱ አስተዋፅኦ ይኖረዋል። ነገር ግን ስልጠናውን ትግራይ ክልል ባሉ 52 ወረዳዎች ብቻ ማድረጉ እነዚህ የትግራይ አካባቢዎች ከአዲስ አበባና ሌሎቹ የኢትዮጵያ አካባቢዎች የተሻለ የኳስ አቅም ኖሯቸው ነው? ወይስ ለምንድነው??? ኳሱንም በዘረኝነት ባንበክለው ጥሩ ነው!!!

    Reply

Leave a Reply

Your email address will not be published. Required fields are marked *