የፕሪምየር ሊግ ክለቦች ቅድመ ውድድር ዝግጅት መረጃዎች

የኢትዮጵያ ፕሪምየር ሊግ የ2010 የውድድር ዘመን ከተጠናቀቀ አንድ ወር አስቆጥሯል። አመዛኞቹ ክለቦችም ከነሀሴ 13 ጀምሮ ለተጫዋቾቻው እረፍት የሰጡ ሲሆን በርካታ አዳዲስ ተጫዋቾችን በማስፈረም ለቅድመ ውድድር ዝግጅት ራሳቸውን እያዘጋጁ ይገኛሉ። ሶከር ኢትዮጵያ ከክለቦቹ በሰበሰበቻቸው መረጃዎች አብዛኛዎቹ ክለቦች የዝግጅት ከተሞቻቸውን፣ የመሰብሰቢያ ቀናት እና የዝግጅት መጀመርያ ቀናትን የወሰኑ ሲሆን ቀሪዎቹ ክለቦች እስከ ሳምንቱ መጨረሻ ድረስ የሚወስኑ ይሆናል።

ክለቦቹ በቅድመ ውድድር ዝግጅታቸው እስከ 6 ሳምንታት የሚዘልቅ ሲሆን የከፍተኛ ሊግ ውድድር አለመጠናቀቅን ተከትሎ በሶስቱ አዳዲስ የፕሪምየር ሊግ ክለቦች ምክንያት ከ6 ሳምንትም ሊረዝም ይችላል።

የቅድመ ውድድር ዝግጅት መረጃዎች

#	ክለብ	የሚሰበሰቡበት – የሚጀምሩበት ቀን	የዝግጅት ከተማ
1	ጅማ አባ ጅፋር	ነሀሴ 14 – ነሀሴ 15	አልተወሰነም
2	ቅዱስ ጊዮርጊስ	ነሀሴ 14 – ነሀሴ 16	ቢሾፍቱ
3	ኢትዮጵያ ቡና	ነሀሴ15 – ነሀሴ 16	ባህር ዳር
4	መቐለ ከተማ	ነሀሴ 13 – ነሀሴ 14	መቐለ
5	አዳማ ከተማ	አልተወሰነም	አልተወሰነም
6	ፋሲል ከነማ	ነሀሴ 20 – ነሀሴ 22	ባህር ዳር
7	ሲዳማ ቡና	ነሀሴ 18 – ነሀሴ 20	ሀዋሳ
8	ሀዋሳ ከተማ	ነሀሴ 22 – ነሀሴ 25	ሀዋሳ
9	ድሬዳዋ ከተማ	አልተወሰነም	ባህር ዳር
10	መከላከያ	ነሀሴ 10 – ነሀሴ 14	ቢሾፍቱ
11	ወላይታ ድቻ	ነሀሴ 18 – ነሀሴ 20	ሶዶ
12	ደደቢት	አልተወሰነም	መቐለ
13	ወልዋሎ	ነሀሴ 19 – ነሀሴ 21	መቐለ
14	ባህር ዳር ከተማ	ውድድር አልጨረሱም	ባህር ዳር